ડેરા સચ્ચાના બળાત્કારી રામ રહીમની કહેવાતી પુત્રી હનીપ્રીત હાલમાં પોલીસ રિમાન્ડ પર છે. પોલીસ પુછપરછમાં હનીપ્રીતે પોતાની સિક્રેટ ડાયરી અંગેનો ખુલાસો કર્યો છે.
આ સિક્રેટ ડાયરી હનીપ્રીતે ડેરામાં કઇ જગ્યાએ છુપાવીને રાખી છે. એ હજુ સુધી પોલીસને જાણવા મળ્યું નથી. જોકે પોલીસના જણાવ્યા અનુસાર હનીપ્રીતની સિક્રેટ ડાયરીમાં ડેરામાં થતી પૈસાની લેવડ-દેવડના આંકડા ઉપરાંત ડેરાના ઢગલાબંધ રહસ્યોની જાણકારી તેમાં છુપાયેલી છે. આ સાથે ડાયરીમાં ડેરામાં થતી મહત્વપૂર્ણ બેઠકોની પણ જાણકારી છે.
આ ઉપરાંત પોલિસ ડેરાના મુખ્ય કાર્યાલયના જપ્ત કરેલા ૬૫ કમ્પ્યુટરની હાર્ડ ડિસ્કની મદદથી ડેરાની ગુપ્ત માહીતી પ્રાપ્ત કરવાની કોશિશ કરી રહી છે.
હાલમાં પોલીસને એક હાર્ડ ડીસ્કમાંથી રૂ. ૭૦૦ કરોડ લેવડ- દેવડની જાણકારી પ્રાપ્ત થઇ છે.હનીપ્રીતે પોતાની સિક્રેટ ડાયરી અંગે કરેલા ખુલાસો કરતા પોલીસની આંખો ફાટીની ફાટી રહી ગઇ છે. જાણવા મળી રહ્યું છે કે આ ડાયરીમાં ડેરામાંથી ગાયબ થયેલા કરોડો રૂપિયાની જાણકારી પ્રાપ્ત થાય તેવી શંકા સેવાઇ રહી છે.
આગળની પોસ્ટ