ઓનલાઈન ગેમિંગની એવી લત લાગી કે ઘર પણ ગીરવે મૂકવું પડ્યું

માંજલપુર વિસ્તારના રહેવાસી કેતન શાહે પોતાના પર થયેલું દેવું ચૂકવવા માટે તેમની કાર અને ટુ-વ્હીલર વેચી દીધા, જેના કારણે તેમની પત્ની ગંભીર માનસિક વેદનામાં સરી પડી હતી. જ્યારે તેમણે તેમનું ઘર ગીરવે મૂક્યું, ત્યારે પત્ની રહી શકી ન હતી અને તેમણે તેમના સાસરીયાઓને પતિને સમજાવવા માટે કહ્યું હતું. આ દંપતીને એક પુત્ર છે જે બેંગ્લોરમાં એક આઈટી ફર્મમાં કામ કરે છે. તેમની પત્ની તેમને આ આદત છોડી દેવા માટે સમજાવવાની કોશિશ કરતી હતી પરંતુ કેતન શાહ પત્નીને આત્મહત્યા કરી લેવાની ધમકી આપતા હતા. કાઉન્સેલરે કહ્યું હતું કે, અમે તેમને ઓનલાઈન ગેમ્બલિંગ અને ગેમિંગના જોખમો સમજાવ્યા અને તેમની પત્નીને માનસિક દુઃખ ન પહોંચાડવા માટે કહ્યું હતું. બાદમાં તેમણે જણાવ્યું હતું કે હવે તેઓ ઓનલાઈન ગેમિંગ છોડી દેશે.