Aapnu Gujarat
બિઝનેસ

હવે ટાટા બનાવશે iPhone

ટાટા ગ્રુપ હવે ભારતમાં iPhone (Apple iPhone) બનાવશે. ટાટા ગ્રૂપ સાથે તાઈવાનની કંપની વિસ્ટ્રોન ફેક્ટરીને હસ્તગત કરવાના 125 મિલિયન ડોલરના સોદાને મંજૂરી આપવામાં આવી છે. ઈલેક્ટ્રોનિક્સ અને ટેક્નોલોજી મંત્રી રાજીવ ચંદ્રશેખરે શુક્રવારે સોશિયલ મીડિયા પર આ માહિતી આપી હતી. મંત્રીએ કહ્યું કે ટાટા ગ્રૂપ અઢી વર્ષમાં સ્થાનિક અને વૈશ્વિક બજારો માટે ભારતમાં Apple iPhoneનું ઉત્પાદન શરૂ કરશે. કેન્દ્રીય મંત્રી રાજીવ ચંદ્રશેખરે સોશિયલ મીડિયા પ્લેટફોર્મ X પર એક પોસ્ટમાં જણાવ્યું હતું કે, ગ્લોબસ ઈન્ડિયન ઈલેક્ટ્રોનિક્સ કંપનીઓના વિકાસમાં તમામ રીતે સમર્થનમાં ઊભા છીએ. આ તે ગ્લોબલ ઈલેક્ટ્રોનિક બ્રાન્ડનું સમર્થન કરશે જે ભારતને પોતાના અવિશ્વસનીય નિર્માણ અને પ્રતિભા ભાગીદાર બનાવવા ઈચ્છે છે. ભારતને ગ્લોબલ ઈલેક્ટ્રોનિક્સ પાવર બનાવવાના વડાપ્રધાન નરેન્દ્ર મોદીના લક્ષ્યને સાકર કરવા ઈચ્છે છે. વિસ્ટ્રોનના ઓપરેશનને સંભાળવા માટે ટાટા ટીમને અભિનંદન.

વિસ્ટ્રોન ફેક્ટરી કર્ણાટકના દક્ષિણપૂર્વમાં છે. રિપોર્ટ અનુસાર માર્ચ 2024 સુધીમાં વિસ્ટ્રોન આ ફેક્ટરીમાંથી લગભગ 1.8 બિલિયન ડોલરની કિંમતના Apple iPhones બનાવશે. ટાટા આ ફેક્ટરીમાં વૈશ્વિક બજાર માટે iPhone 15નું ઉત્પાદન કરશે. વિસ્ટ્રોન ફેક્ટરીનું મૂલ્ય આશરે 600 મિલિયન ડોલર છે. આ ડીલ અંગે લગભગ એક વર્ષથી વાતચીત ચાલી રહી હતી. આ ફેક્ટરી iPhone 14 મોડલના ઉત્પાદન માટે જાણીતી છે. આ ફેક્ટરીમાં 10,000 થી વધુ લોકો કામ કરે છે.
વિસ્ટ્રોન કંપની શા માટે વેચવામાં આવી?
મીડિયા અહેવાલો પર વિશ્વાસ કરવામાં આવે તો, વિસ્ટ્રોનને નુકસાન થઈ રહ્યું છે. કારણ કે એપલની શરતો હેઠળ કંપની ખોટનો સામનો કરી રહી છે. વિસ્ટ્રોનનું કહેવું છે કે એપલ ફોક્સકોન અને પેગાટ્રોન કરતાં વધુ માર્જિન વસૂલી રહી છે. જ્યારે ચીનની તુલનામાં ભારતમાં વિવિધ પડકારો છે, જેના કારણે ભારતમાં કર્મચારીઓ સાથે કામ કરવું મુશ્કેલ બની રહ્યું છે. આવી સ્થિતિમાં વિસ્ટ્રોન પોતાની કંપની વેચવા જઈ રહી છે. વિસ્ટ્રોન કંપનીએ 2008માં ભારતીય બજારમાં પ્રવેશ કર્યો હતો. ત્યારે કંપની ઘણા ઉપકરણો માટે રિપેરિંગની સુવિધાઓ પ્રદાન કરતી હતી. આ પછી 2017માં કંપનીએ તેની કામગીરીનો વિસ્તાર કર્યો અને Apple માટે iPhoneનું ઉત્પાદન શરૂ કર્યું.

iPhone 15 સિરીઝ 12 સપ્ટેમ્બરે લોન્ચ કરવામાં આવી
કેલિફોર્નિયા સ્થિત ટેક કંપની એપલે 12 સપ્ટેમ્બરે તેની Wanderlust ઈવેન્ટમાં iPhone 15 સિરીઝને રજૂ કરી હતી. જેની શરૂઆતની કિંમત 79,990 રૂપિયા હતી. કંપનીએ વોચ સીરીઝ 9 અને વોચ અલ્ટ્રા 2 પણ રજૂ કરી છે. પહેલીવાર એપલે ચાર્જિંગ માટે ટાઈપ-સી પોર્ટ આપ્યું છે. આ વખતે iPhone-15માં 48-મેગાપિક્સલનો મુખ્ય કેમેરા છે. iPhone 15 અને 15 Plusમાં A16 Bionic ચિપ આપવામાં આવી છે. જ્યારે A17 Pro ચિપ iPhone 15 Pro અને Pro Maxમાં ઉપલબ્ધ થશે. પ્રો મોડલ્સની બોડીમાં ટાઇટેનિયમનો ઉપયોગ કરવામાં આવ્યો છે.

Related posts

सेंसेक्स 806 अंक लुढ़का

aapnugujarat

સેસની રકમમાંથી ૪૫ ટકા જેટલી રકમ તો વપરાઇ જ નથી !

aapnugujarat

GDP पर क्रिसिल की रिपोर्ट चिंताजनक, 2019-20 के लिए ग्रोथ रेट घटाकर किया 6.3 फीसदी

aapnugujarat
UA-96247877-1