Aapnu Gujarat
શિક્ષણ

ઓસ્ટ્રેલિયાની સ્ટુડન્ટ વિઝા પ્રોસેસ ઝડપી થઈ

અમેરિકા અને UKની વિઝા પ્રોસેસ સામે સ્ટુડન્ટ્સમાં ઘણી ફરિયાદો છે, ત્યારે ઓસ્ટ્રેલિયાએ સ્ટુડન્ટ વિઝાની પ્રક્રિયાને ઘણી ઝડપી બનાવી છે. લેટેસ્ટ અહેવાલ પ્રમાણે ઓસ્ટ્રેલિયાની એવરેજ વિઝા પ્રોસેસ હવે માત્ર 16 દિવસમાં પૂરી થઈ શકે છે. કોવિડ વખતે દુનિયાભરમાં વિઝા પ્રક્રિયાને અસર થઈ હતી. કોવિડ પછી પણ ઘણા દેશોમાં કામગીરી હજુ ધીમી ચાલે છે ત્યારે ઓસ્ટ્રેલિયાએ તેમાં સુધારો કર્યો છે.

ઓસ્ટ્રેલિયન સરકારે તેના નિવેદનમાં જણાવ્યું છે કે તેમણે લીધેલા પગલાંના કારણે એવરેજ વિઝા પ્રોસેસિંગ ટાઈમમાં મોટો ઘટાડો થયો છે. હવે લગભગ 16 દિવસની અંદર વિઝા અરજીઓ પ્રોસેસ થઈ જાય છે. આ માટે ઓસ્ટ્રેલિયાએ ખાસ બજેટ પણ ફાળવ્યું છે જેનું રિઝલ્ટ હવે જોવા મળે છે. સરકારે જણાવ્યું કે 12 મહિનાના ગાળા માટે 48.1 મિલિયન ડોલરનું ફંડ ફાળવવામાં આવ્યું છે જેનાથી પ્રોસેસમાં વેગ આવ્યો છે. 1 જુલાઈ 2022થી 30 જૂન 2023 સુધીમાં વિઝા પ્રોસેસ ઝડપી કરવા માટે 600 લોકોનો નવો સ્ટાફ રાખવામાં આવ્યો છે.

ઓસ્ટ્રેલિયાની વસતી ઘણી ઓછી હોવા છતાં હાયર એજ્યુકેશન માટે તે બહુ મહત્ત્વનું ડેસ્ટિનેશન બની ગયું છે. દેશવિદેશથી આવતા સ્ટુડન્ટ્સના કારણે ઓસ્ટ્રેલિયાની ઈકોનોમીને વેગ મળ્યો છે અને તેના કારણે જ તે શક્ય એટલા વધારે સ્ટુડન્ટને આવકારવા માટે તૈયાર છે. આ દરમિયાન ઓસ્ટ્રેલિયામાં વિદ્યાર્થીઓ માત્ર કામ કરવા નહીં પરંતુ ભણવાના મકસદ સાથે આવે તે માટે ઓસ્ટ્રેલિયાએ ઈન્ટરનેશનલ સ્ટુડન્ટ માટે નાણાકીય જરૂરિયાતના માપદંડમાં વધારો કર્યો છે. અગાઉ વિદ્યાર્થીઓ 20,000 ડોલરની બચત દેખાડીને આવી શકતા હતા. પરંતુ 1 ઓક્ટોબર 2023થી ઓછામાં ઓછા 24,505 ડોલરની બચત હોય તેવા સ્ટુડન્ટને જ ઓસ્ટ્રેલિયા આવવાની મંજૂરી મળશે.

આ રકમને અમેરિકન ડોલરમાં કન્વર્ટ કરવામાં આવે તો લગભગ 15700 ડોલર જેટલી થાય છે. ઓસ્ટ્રેલિયા ભણવા જતા વિદ્યાર્થીઓએ તેમની બચતમાં ઓછામાં ઓછા 17 ટકાનો વધારો કરવો પડશે. છેલ્લે 2019માં બચતનો દર નક્કી કરવામાં આવ્યો હતો. પરંતુ ત્યાર પછી દરેક ચીજવસ્તુના ભાવ વધ્યા તેની સાથે સાથે બચતનો આંકડો પણ વધારવામાં આવ્યો છે.

વિઝા એપ્લિકેશનની પ્રક્રિયા સરળ રીતે ચાલે તે માટે ડિપાર્ટમેન્ટે સૂચના આપી છે કે કોર્સ શરૂ થવાનો હોય તેનાથી ઓછામાં ઓછા 8 સપ્તાહ અગાઉ વિઝા માટે અરજી કરવામાં આવે. આ પ્રોએક્ટિવ વલણના કારણે બિનજરૂરી વિલંબ ટાળી શકાશે અને ઓસ્ટ્રેલિયામાં અભ્યાસ શરૂ કરવા માટે પૂરતો સમય મળી રહે તે સુનિશ્ચિત કરી શકાશે.

ઓસ્ટ્રેલિયાએ વિઝા પ્રોસેસ કરવા માટે 600થી વધારે નવા લોકોને હાયર કર્યા પછી ટેમ્પરરી અને માઈગ્રેશન વિઝા પ્રોસેસમાં પણ વેગ આવ્યો છે. હાલમાં જેટલી વિઝાની અરજીઓ આવી હોય તેના પર ઝડપથી પ્રોસેસ કરવામાં આવે તેને સરકારે પોતાની પ્રાથમિકતા બનાવી છે.

Related posts

कक्षा-५-८ के विद्यार्थियों की वार्षिक परीक्षा ली जाएगी

aapnugujarat

गुजरात यूनिवर्सिटी के द्वारा लेट फीस में बढौतरी की गई

aapnugujarat

ડીઈઓનો શિક્ષકોને આદેશ : ‘પોલીસ પાસેથી તમારા સારા ચારિત્રનું સર્ટિફિકેટ લાવો’

aapnugujarat
UA-96247877-1