દિલ્હી સેવા બિલને લોકસભામાં ધ્વનિમતથી પસાર કરવામાં આવ્યું (Delhi Services Bill Passed In Lok Sabha) છે. મતદાન દરમિયાન વિપક્ષના સાંસદો સદનમાંથી વોકઆઉટ કરી ગયા હતા. વોટિંગ દરમિયાન જ્યારે સ્પીકર ઓમ બિરલા બોલી રહ્યા હતા ત્યારે AAP સાંસદ સુશીલ કુમાર રિંકુએ શાસક પક્ષના સાંસદો પર કાગળ ફાડીને નાખ્યો હતો. આ માટે સુશીલ કુમાર રિંકુને સમગ્ર સત્ર માટે સસ્પેન્ડ કરવામાં આવ્યા છે. સુશીલ કુમાર રિંકુ આમ આદમી પાર્ટીના લોકસભામાં એકમાત્ર સાંસદ છે. બિલ પાસ થયા બાદ લોકસભા આવતીકાલ સુધી સ્થગિત કરી દેવામાં આવી છે. કેન્દ્રિય ગૃહમંત્રી અમિત શાહે આ બિલ પસાર કરતા પહેલા ભાષણ આપ્યું હતું. આ દરમિયાન અમિત શાહે INDIA ગઠબંધન પર નિશાન સાધ્યું. શાહે કહ્યું કે અત્યાર સુધી આ લોકો ચર્ચા માટે કહેતા હતા કે પીએમ આવશે ત્યારે ચર્ચા થશે, પરંતુ આજે શું થયું? આજે પીએમ નથી આવ્યા તો પછી ચર્ચામાં કેમ ભાગ લીધો? શાહે કહ્યું કે અમે મણિપુર પર ચર્ચા કરવા તૈયાર છીએ, જ્યાં સુધી તમે ચર્ચા કરવા માગો છો. હું જવાબ આપીશ.
લોકસભામાં પાસ થયું દિલ્હી સેવા બિલ
