ફ્રી ફાયર અને પબજી (PUBG AND FREE FIRE) જેવી ગેમ્સના વ્યસનને કારણે ઘણા આશ્ચર્યજનક કિસ્સાઓ સતત સામે આવી રહ્યા છે. PUBG ગેમ રમ્યા બાદ પાકિસ્તાની મહિલા સીમા હૈદર પોતાનો પ્રેમી શોધવા નેપાળ થઈને ભારત આવી હતી. તે જ સમયે રાજસ્થાનના અલવરથી ઓનલાઈન ગેમ્સ સાથે જોડાયેલો એક ચોંકાવનારો કિસ્સો સામે આવ્યો છે. અહીં એક બાળકે ઓનલાઈન મોબાઈલ ગેમ્સની લતને કારણે માનસિક સંતુલન ગુમાવ્યું છે. FIRE FIRE..આ બાજુથી બાજુમાં…14 વર્ષનો બાળક રાત્રે સૂતી વખતે કંઈક આવી બુમો પાડતો હોય છે. મીડિયા રિપોર્ટ્સ અનુસાર, ઊંઘમાં પણ તેના હાથ ફરતા રહે છે અને તેણે ખાવા-પીવાનું પણ છોડી દીધું છે.
અલવરના મુંગાસ્કા કોલોનીમાં રહેનારા 7મું ધોરણ ભણનારા વિદ્યાર્થીઓનો આ કિસ્સો સામે આવ્યો છે. છેલ્લા 7 મહિનાથી તે પબ્જી અને ફ્રી ફાયર જેવી ઓનલાઈન ગેમ્સ રમતો હતો. આ ગેમની લતને કારણે તે દિવસમાં 14થી 15 કલાક ગેમ રમતો હતો. માતા-પિતા જો તેને ટોકે તો તે રાતે ચાદર અને રજાઈ ઓઢીને ગેમ રમતો હતો. લાંબા સમય સુધી ગેમ રમવાને કારણે તેનો સ્ક્રીન ટાઈમ વધવા લાગ્યો હતો, જેના કારણે તેને માનસિક સંતુલન ગુમાવી દીધુ છે. પુત્રએ માનસિક સંતુલન ગુમાવી દીધા બાદ માતા-પિતા તેને એક સ્પેશલ સ્કૂલમાં લઈને આવ્યા છે, જ્યાં ટ્રેનર તેની રોચક રીતે સારવાર કરી રહ્યા છે.
