ભગવાન અને ભક્તના ખાસ સંબંધને પડદા પર લાવનાર અક્ષય કુમાર, પંકજ ત્રિપાઠીની ફિલ્મ ‘ઓહ માય ગોડ 2’ છેલ્લા ઘણા દિવસોથી ચર્ચામાં છે. 11 જુલાઈના રોજ મેકર્સે ફિલ્મનું ટીઝર રિલીઝ કર્યું હતું. આ ટ્રીઝર લોકોને પસંદમાં આવી રહ્યું છે. પરંતુ હવે ‘OMG 2’ વિશે એક મોટા સમાચાર આવી રહ્યા છે. વાસ્તવમાં, મીડિયા રિપોર્ટ્સ અનુસાર, સેન્સર બોર્ડે અક્ષય કુમાર અભિનીત આ ફિલ્મ પર પ્રતિબંધ મૂક્યો છે.
અક્ષય કુમારની ફિલ્મ ‘OMG 2’ને લઈને બોલિવૂડના કોરિડોરમાંથી એક ખૂબ જ મોટા સમાચાર આવી રહ્યા છે. કેટલાક મીડિયા રિપોર્ટ્સમાં દાવો કરવામાં આવી રહ્યો છે કે, સેન્સર બોર્ડે અક્ષય કુમાર, પંકજ ત્રિપાઠી અને યામી ગૌતમ અભિનીત આગામી ફિલ્મ પર પ્રતિબંધ મૂક્યો છે. આટલું જ નહીં સેન્સર બોર્ડે ‘ઓહ માય ગોડ 2’ રિવ્યુ કમિટીને મોકલી છે. આ ફિલ્મ 2012માં રિલીઝ થયેલી ‘OMG’ની સિક્વલ છે. તમને જણાવી દઈએ કે, પરેશ રાવલ અને અક્ષય કુમાર સ્ટારર ફિલ્મને લઈને ઘણો વિવાદ થયો હતો અને હવે ‘OMG 2’ની રિલીઝ પહેલા જ વિવાદોના વાદળો ઘેરાઈ રહ્યા છે.
