બોલિવૂડ એક્ટ્રેસ સુષ્મિતા સેને ચાહકોને આઘાતમાં મૂકી દીધા છે. સુષ્મિતા સેને હાલમાં જ એક પોસ્ટ શેર કરીને જણાવ્યું કે 2 દિવસ પહેલા તેને હાર્ટ અટેક આવ્યો હતો. જોકે હવે તેની તબિયત સારી છે. સુષ્મિતા સેને તેના પિતા સાથેનો એક ફોટો પણ ઈન્સ્ટાગ્રામ પર શેર કર્યો છે.
સુષ્મિતા સેને હાલમાં જ તેના પિતા સાથેનો એક ફોટો ઈન્સ્ટાગ્રામ પર શેર કર્યો છે. ફોટોની સાથે સુષ્મિતાએ જણાવ્યું કે તે કેટલાં ખરાબ સમયમાંથી પસાર થઈ છે. તેની તબિયત કેટલી ખરાબ થઈ ગઈ હતી? કારણકે સુષ્મિતા સેનને હાર્ટ અટેક આવ્યો હતો, સુષ્મિતા સેનની એન્જિયોપ્લાસ્ટી કરવામાં આવી છે. હાલ સુષ્મિતા સેનની હાલત ઠીક છે. અભિનેત્રીએ તેની પોસ્ટની શરૂઆત તેના પિતાના શબ્દોથી કરી હતી.
સુષ્મિતાએ લખ્યું- તમારા હૃદયને મજબૂત અને ખુશ રાખો, તે તમારા ખરાબ સમયમાં હંમેશાં તમારી સાથે રહેશે. જ્યારે તમને તેની સૌથી વધુ જરૂર હોય. 2 દિવસ પહેલાં મને હાર્ટ અટેક આવ્યો હતો. મારી એન્જિયોપ્લાસ્ટી થઈ હતી. હૃદય હવે સલામત છે અને સૌથી અગત્યનું કે મારા કાર્ડિયોલોજિસ્ટે કહ્યું કે મારું હૃદય ખરેખર વિશાળ છે.
સુષ્મિતા સેને 2018માં રોહમન શૉલને ડેટિંગ કરવાનું શરૂ કર્યુ હતું અને બાદમાં તેઓ બી-ટાઉનના મોસ્ટ લવ્ડ કપલ્સ બની ગયું હતું. ગત વર્ષે બ્રેકઅપની જાહેરાત કરતાં સુષ્મિતાએ સોશિયલ મીડિયા પર એક પોસ્ટ શેર કરી હતી. તેણે રોહમન સાથેની તસવીર શેર કરી હતી અને લખ્યું હતું કે ‘અમે મિત્રો તરીકે શરૂઆત કરી હતી, અમે મિત્રો રહીશું’.
સુષ્મિતા સેને લગ્ન કેમ નથી કર્યા તેના કારણનો ખુલાસો કર્યો હતો. તેના જીવનમાં કેટલાક રસપ્રદ પુરુષો આવ્યા હતા પરંતુ લગ્ન ના કરવાનું એકમાત્ર કારણ એ જ હતું કે તેઓ તેની અપેક્ષા પર ખરા નહોતા ઉતર્યા. આ સાથે જ સુષ્મિતાએ એ પણ કહ્યું કે, તેની દીકરીઓના લીધે તેણે લગ્ન ના કરવાનો નિર્ણય કર્યો હોય તેવું જરા પણ નથી. સુષ્મિતાની દીકરીઓ તેના દરેક પાર્ટનર સાથે હળીમળી ગઈ હતી અને બંને પક્ષે સંબંધ સારા રહ્યા હતા. સુષ્મિતાની દીકરીઓએ તેમની મમ્મીના જીવનમાં આવેલા પુરુષોને ખુલ્લા દિલે સ્વીકાર્યા છે અને ક્યારેય મોં નથી મચકોડ્યું. તેમણે સૌને સરખો પ્રેમ અને માન આપ્યા છે.
