અરુણાચલ પ્રદેશના તવાંગમાં ચીની સૈનિકો અને ભારતીય સેના વચ્ચેની અથડામણ બાદથી રાજકારણ ગરમાયું છે. કોંગ્રેસ નેતા રાહુલ ગાંધી આ મુદ્દે સતત સરકાર પર નિશાન સાધી રહ્યા છે. હવે કેન્દ્રીય વિદેશ મંત્રી એસ. જયશંકરે પોતાના આરોપોનો જવાબ આપતા મૌન તોડ્યું છે. વિદેશ મંત્રી એસ જયશંકરે કહ્યું કે, ચીનના આક્રમણનો જવાબ આપવા માટે ભારતીય સેના દ્વારા એલએસી પર અત્યાર સુધીની સૌથી મોટી સંખ્યા તૈનાત કરવામાં આવી છે.
જયશંકરે કહ્યું કે, ૨૦૨૦થી એલએસી પર ચીની સૈનિકોની સંખ્યામાં વધારો થયો છે. એટલા માટે ભારતીય સેનાએ પણ મોટા પાયે સૈનિકો તૈનાત કર્યા છે. તેમણે કહ્યું, અમારી સેના ચીન દ્વારા એકતરફી પરિવર્તનના કોઈપણ પ્રયાસનો સામનો કરવા માટે તૈનાત છે. તે ભારતીય સેનાની પણ ફરજ છે. વિદેશ મંત્રીએ કહ્યું કે, ભારત સરકાર ચીન મુદ્દે ગંભીર છે અને રાહુલ ગાંધીનો દાવો વિશ્વાસપાત્ર નથી. વાસ્તવમાં, તાજેતરમાં રાહુલ ગાંધીએ કહ્યું હતું કે ભારત-ચીન સરહદ પર વર્તમાન પરિસ્થિતિ ખૂબ જ ગંભીર છે. તાજેતરમાં જે બન્યું તે માત્ર અથડામણ નથી, પરંતુ ચીન સંપૂર્ણ પાયે યુદ્ધની તૈયારી કરી રહ્યું છે. તેમણે કેન્દ્ર સરકાર પર આ ધમકીની અવગણના કરવાનો આરોપ લગાવ્યો. તેમણે કહ્યું કે સરકાર અમારાથી તથ્યો છુપાવવાનો પ્રયાસ કરી રહી છે, પરંતુ આ લાંબો સમય ચાલશે નહીં.
એલએસી પર સૌથી મોટી સંખ્યામાં જવાનો તૈનાત : S. JAISHANKAR
