ગાંધીનગરમાં એસીબીની ટીમે સપાટો બોલાવીને HPCL ના સીનિ. કોમકો ઓફિસરને 1.10 લાખની લાંચ લેતા ઝડપી લીધા છે. સિનીયર કોમકો ઓફિસર મુલચંદ ધોલપુરીયા કે જેઓ પેટ્રોલ પંપ પર સુપર વાઇઝર તરીકે નોકરી કરે છે અને કર્મચારીઓને હેરાન નહી કરવાના, નોકરી માંથી છુટા કરીને નવા કર્મચારીઓ નહી રાખવા તથા આ કર્મચારીઓનો પગાર વધેલો હોય તો કર્મચારી દીઠ રૂ. 4500 થી રૂ.5000 લેખે લાંચની માંગણી કરી હતી. ગાંધીનગર ખાતે આવેલ એચ.પી પેટ્રોલ પંપ પર સુપર વાઈઝર અને અન્ય 29 કર્મચારીઓ કામ કરે છે , જેમાં પાંચ મહિલા કર્મચારીઓ પણ નોકરી કરે છે. એ સી બી ના આરોપીએ ફરિયાદીને મહિલાઓને બાકાત રાખી બાકીના ૨૪ કર્મચારીઓને હેરાન નહી કરવાના, નોકરી માંથી છુટા નહી કરી નવા કર્મચારીઓ નહી રાખવા તથા આ કર્મચારીઓનો પગાર વધેલ હોય કર્મચારી દીઠ રૂ.4500 થી રૂ.5000 લેખે રાઉન્ડ ફીગર રૂ.1.10 લાખની લાંચની માંગણી કરી હતી. આ લાંચના નાણાં ફરિયાદી આરોપીને આપવા માંગતા ન હોય એ.સી.બીનો સંપર્ક કરતા ફરિયાદીની ફરિયાદના આધારે બે પંચો સાથે રાખી લાંચના છટકાનું આયોજન કરતા આ કામના આરોપીએ ફરિયાદી સાથે હેતુલક્ષી વાતચીત કરી, લાંચની માંગણી કરી, લાંચના નાણાં રૂ. 1.10 લાખ સ્વિકારી લાંચના છટકામાં પકડાયેલ છે .