શેરબજારમાં વિદેશી રોકાણકારોનું રોકાણ વધી રહ્યું છે. નાની અને મધ્યમ કદની કંપનીઓમાં પણ રોકાણકારો હિસ્સો વધારી રહ્યા છે.
ઊંચા રોકાણના પગલે પાછલા સપ્તાહે જ નિફ્ટીએ ૧૦,૧૦૦ની સપાટી ક્રોસ કરી હતી.મે-જૂન-જુલાઇ ૨૦૧૭ એમ ત્રણ મહિનામાં વિદેશી રોકાણકારોએ સ્થાનિક ઈક્વિટી બજારમાં ૧૭ હજાર કરોડ કરતાં પણ વધુનું રોકાણ કર્યું છે, જ્યારે પાછલા વર્ષે ઓગસ્ટ મહિનાનો ડેટા જોઇએ તો એફઆઇઆઇએ સ્થાનિક ઇક્વિટી બજારમાં ૯,૭૦૦ કરોડથી પણ વધુનું રોકાણ કર્યું હતું.ઊંચા વિદેશી રોકાણના કારણે જીએમડીસી કંપનીના શેરમાં પાછલા એક વર્ષમાં ૭૪ ટકાથી વધુનો ઉછાળો નોંધાયો છે, જ્યારે ગુજરાત અંબુજા એક્સપોર્ટ કંપનીના શેરમાં ૫૧ ટકા, ગુજરાત આલ્કલી એન્ડ કેમિકલ કંપનીમાં ૩૮ ટકાનો સુધારો જોવાયો છે.
શેરબજારના નિષ્ણાતોના જણાવ્યા પ્રમાણે સારું ચોમાસું, લાર્જકેપ કંપનીના અપેક્ષા કરતાં સારાં પરિણામો, વ્યાજદરમાં ઘટાડો થવાની આશા તથા વૈશ્વિક બજારના સકારાત્મક પરિબળો વચ્ચે એફઆઈઆઈનું વિદેશી રોકાણ વધી શકે છે.
આગળની પોસ્ટ