ડેઝી શાહને હવે રામરતન ફિલ્મ હાથ લાગી છે. આ ફિલ્મનુ શુટિંગ શરૂ કરવામાં આવ્યુ છે. ફિલ્મને લઇને ડેઝી શાહ ભારે ખુશ છે. સુપરસ્ટાર અભિનેતા સલમાન ખાન સાથે ફિલ્મી કેરિયરની શરૂઆત કરી હોવા છતાં ડેઝી શાહ બોલિવુડમાં હજુ સુધી સફળતા મેળવી શકી નથી. ડેઝી શાહ પાસે સારી ફિલ્મો નહી મળવાના કેટલાક કારણો દેખાઇ રહ્યા છે. ડેઝી શાહ સલમાનખાન પરિવાર સાથે નજીકના સંબંધ હોવાના કારણે બોલિવુડમાં ટકી રહેવામાં સફળ રહી છે. હવે તેની પાસે રામરતન નામની ફિલ્મ આવી ગઇ છે. આ ફિલ્મની પટકથા પ્રફુલ પારેખ દ્વારા લખવામાં આવી છે. ગોવિન્દ સકારિયા ફિલ્મ બનાવી રહ્યા છે. બોલિવુડના સુપરસ્ટાર સલમાનખાનના કહેવાથી હેટસ્ટોરી-૩ ફિલ્મ ડેઝી શાહે અગાઉ સ્વીકારી લીધી હતી. તેની સેક્સી ઇમેજ આ ફિલ્મના કારણે સપાટી પર આવી હતી. સલમાન સાથે પોતાની ફિલ્મ જય હોમાં કામ કર્યા બાદ ખુબસુરત ડેઝી શાહને હાલમાં વધારે ફિલ્મો મળી રહી નથી પરંતુ તે બિલકુલ નિરાશ નથી. સલમાન સાથે મજબુત મિત્રતા ધરાવનાર ડેઝી શાહને ટુંક સમયમાં વધારે સારી અને મોટા બેનરની ફિલ્મો હાથ લાગી શકે છે. કેટરીના કૈફ, સોનાક્ષી જેવી અભિનેત્રી બાદ ડેઝી પણ પોતાની કેરિયર માટે સલમાનને ક્રેડિટ આપે છે.સલમાને પોતાની ફિલ્મ જય હોમાં ડેઝી શાહને લોન્ચ કરી હતી. ડેઝી શાહને સલમાનના નજીકના લોકોમાં ગણવામાં આવે છે. તેની ખુબસુરતીની પ્રથમ જ ફિલ્મમાં નોંધ લેવામાં આવી હતી.
પાછલી પોસ્ટ
આગળની પોસ્ટ