ઉત્તરપ્રદેશની રાજધાની લખનઉના ઠાકુરગંજના રહેવાસી એક યુવકે પોતાની પત્ની વિરુદ્ધ આરોપ લગાવ્યા છે કે, પત્ની રૂમમાં બંધ કરીને વેલણ અને ડંડાથી ફટકારે છે અને જો તેનો વિરોધ કરુ તો મારી વદ્ધ માતા અને નાની બહેનોને ફટકારવા લાગે છે. પોલીસ સલાહ કેન્દ્રમાં મોકલેલા પ્રાર્થના પત્રમાં યુવકે લખ્યું કે તેની પત્ની તેના સમગ્ર પરિવાર પર ત્રાસ ગુજારી રહી છે. યુવકે પત્રમાં કહ્યું છે કે આવું ફક્ત તેમના એકલાની સાથે જ થાય છે એવું નથી. આવા ઘણા પુરુષો છે જેમની પત્નીઓ તેમના અને તેમના પરિવાર પર ત્રાસ ગુજારતી હોય.
ફૈજુલ્લાગંજના એક રહેવાસી વ્યક્તિએ પોતાની ફરિયાદમાં જણાવ્યું કે ૨૧ વર્ષ પહેલા તેના લગ્ન પુરનિયા સાથે થયા હતા. તેમણે આરોપ લગાવ્યો છે કે તેમની પત્ની ખૂબ જ શંકાશીલ થઈ ગઈ છે. છેલ્લા પાંચ મહિનાથી તે દર બીજા દિવસે લડાઈ-ઝઘડો કરતી રહે છે. આ પત્ની પીડિત પુરુષે જણાવ્યું કે, એક વાર તો તેણે રાત્રે દંડા વડે મને માર્યો હતો. તેણે મને એટલું બધુ માર્યું કે મારો એક હાથ જ ભાંગી ગયો હતો. ફરિયાદ કરતા તેમણે જણાવ્યું કે મારી પત્ની મારા ઘરડા માતા-પિતાને જમવાનું પણ નથી આપતી.
બલ્દીખેડાના રહેવાસી એક યુવકે પોલીસ સલાહ કેન્દ્રમાં ફરિયાદ નોંધાવતા કહ્યું કે, તેના લગ્ન આ વર્ષે જ ૨૧ જૂનના રોજ મોહદ્દીપુરની રહેવાસી એક યુવતી સાથે થયા હતા. લગ્નના થોડા જ દિવસમાં પત્ની પોતાના પિયર રહેવા જતી રહી હતી. પિયર જતા રહેવા પાછળનું કારણ પૂછતા પત્નીએ જણાવ્યું કે, તમે સુંદર નથી દેખાતા. જ્યારે સુંદર દેખાવા લાગો ત્યારે કહેજો, ત્યારે પાછી આવીશ.
આગળની પોસ્ટ
