મધ્ય આફ્રિકાના ગણ રાજ્યના બામ્બારી સિટીમાં થયેલા એક અકસ્માતમાં ૭૭ લોકોનાં મોત થયાં છે તેમજ અનેક લોકોને ઈજા થઈ છે. બામ્બરી અને ઈપ્પી વચ્ચે થયેલા આ અકસ્માતમાં ઘવાયેલા લોકોને નજીકની હોસ્પિટલમાં સારવાર માટે ખસેડાયા છે.મધ્ય આફ્રિકામાં બૈગીથી લગભગ ૩૦૦ કિમી દૂર ઉત્તર-પૂર્વમાં આવેલા એક ગામ નજીક આ ઘટના બની હતી. જેમાં ગામ નજીકથી પસાર થતી ટ્રક એક માર્કેટમાં ઘૂસી જતાં આ દુર્ઘટના સર્જાઈ હતી. ટ્રકને સમયસર માર્કેટમાં પહોંચાડવા ટ્રક ચાલકે બેફામ સ્પીડે ટ્રક ચલાવતાં આ ઘટના બની હતી. જેમાં ૭૭ લોકોનાં મોત થયાં હતાં. અને અનેકને ઈજા થઈ હતી. આ બનાવ બાદ ગામમાં ભારે નાસભાગ અને અફરાતફરી મચી ગઈ હતી. જેમાં નાસભાગમાં જ કેટલાક લોકોનાં મોત થયાં હતાં. આ અંગે હોસ્પિટલના અધિકારી માઈકલ જહાંદજીએ જણાવ્યું હતું કે અકસ્માતમાં માર્યા ગયેલા ૭૭ પૈકીના ૫૯ લોકોના મૃતદેહને બામ્બરી હોસ્પિટલના શબઘરમાં લઈ જવાયા છે.
પાછલી પોસ્ટ