દિલ્હીની એઈમ્સ હોસ્પિટલમાં એક ચોંકાવનારો મામલો સામે આવ્યો છે. અહીં એક યુવક પેટમાં દુઃખાવાની ફરિયાદ લઈને ડોક્ટર્સ પાસે ગયો હતો. જ્યારે ડોક્ટર્સે બધા જ ટેસ્ટ કર્યા ત્યારે ડોક્ટર્સ અચંબામાં ગરકાવ થઈ ગયા. યુવકની તપાસ કરતા જાણવા મળ્યું કે, યુવકના પેટમાં ટૂથ બ્રશ ફસાયેલું છે. ત્યારબાદ આબિદને ગંભીર અવસ્થામાં દિલ્હીની એઈમ્સમાં દાખલ કરવામાં આવ્યો હતો.
પૂછપરછ દરમિયાન યુવકે જણાવ્યું કે કોઈ બાબાએ તેની તકલીફો ઓછી કરવા માટે ટૂથ બ્રશથી ગળા સુધી સફાઈ કરવાની સલાહ આપી હતી. બાબાની સલાહ બાદ યુવક ટૂથ બ્રશથી ગળા સુધી સફાઈ કરવા જતા બ્રશ હાથમાંથી છૂટીને અન્નનળી મારફતે પેટમાં જતુ રહ્યું હતું. એમ્સ હોસ્પિટલના ડોક્ટર્સે એન્ડોસ્કોપી કરીને આબિદ નામના યુવકના પેટમાંથી ટૂથ બ્રશ બહાર કાઢવામાં આવ્યું છે.
ડોક્ટર્સે જણાવ્યું કે, જો બ્રશ કાઢવામાં જરા પણ મોડુ થાત તો યુવકનાં આંતરડાઓમાં ભયંકર નુકશાન થવાની શક્યતા હતી. આ વિશે એઈમ્સના ડોક્ટર્સે જણાવ્યું કે દિલ્હીના રહેવાસી આબિદને એમ્સના ઈમરજન્સી વિભાગમાં દાખલ કરવામાં આવ્યો છે. તપાસ દરમિયાન અમને માલૂમ પડ્યું કે તેના પેટમાં બ્રશ ફસાઈ ગયું છે. અમે એન્ડોસ્કોપી કરીને તેના પેટમાંથી બ્રશ કાઢવાની કોશિશ કરી પરંતુ બ્રશ આડુ થઈ ગયું હતું. પરંતુ આખરે અમે તેના પેટમાંથી બ્રશ કાઢવામાં સફળ રહ્યા.
