અભિનેતા અરબાઝ ખાન પોતાની આવનારી ફિલ્મ તેરા ઇન્તઝારને લઇને વ્યસ્ત બનેલા છે. આ ફિલ્મમાં અરબાઝ ખાન સની લિયોનની સાથે નજરે પડનાર છે. સની લિયોનની સાથે કામ કરવાની ઇચ્છા અરબાઝ ખાને પહેલાથી જ વ્યક્ત કરી હતી પરંતુ આ ફિલ્મમાં કામ કર્યા બાદ અરબાઝ ખાન સની લિયોનથી ખુબ જ પ્રભાવિત થયો છે. અરબાઝ ખાને કહ્યું છે કે, દબંગ-૩માં સની લિયોનને પણ લેવામાં આવી શકે છે. આ ફિલ્મમાં સની લિયોનની પસંદગ આઈટમ સોંગ તરીકે કરવામાં આવી શકે છે. વર્ષ ૨૦૧૦માં દબંગ ફિલ્મમાં મલઇકા અરોરાએ મુન્ની બદનામ હુઈ આઈટમ સોંગ કરીને સુપર સ્ટાર બની જવામાં સફળતા મેળવી હતી. આ ગીત સુપરહિટ સાબિત થયું હતું. ૨૪મી નવેમ્બરના દિવસે તેરા ઇન્તજાર નામની ફિલ્મ દેશભરમાં રજૂ કરવામાં આવનાર છે. આ ફિલ્મનું નિર્દેશન રાજીવ વાલિયા દ્વારા કરવામાં આવ્યું છે. રાજીવ વાલિયાની આ ફિલ્મમાં અરબાઝ અને સની લિયોનની સાથે સાથે સલીલ અંકોલા, સુધા ચંદ્રન, આર્ય બબ્બર જેવા કલાકારો કામ કરી રહ્યા છે. મળેલી માહિતી મુજબ આ ફિલ્મને લઇને ખુબ જ આશા દેખાઈ રહી છે. દબંગ-૩ ફિલ્મ સની લિયોનની કેરિયર માટે ઉપયોગી સાબિત થઇ શકે છે. મળેલી માહિતી મુજબ સની લિયોનને દબંગ-૩માં લેવાશે કે કેમ તે અંગે ટૂંક સમયમાં જ જાહેરાત કરવામાં આવશે. દબંગ-૩ ફિલ્મનું શૂટિંગ આગામી વર્ષે ૨૦૧૮થી શરૂ થશે.
દબંગ-૩માં સની લિયોન ભૂમિકા કરશે : અરબાઝ
