ભરતસિંહ પરમાર, સુરેન્દ્રનગર
સુરેન્દ્રનગર જિલ્લા રમત પ્રશિક્ષણ કેન્દ્ર–લીંબડીના સિનિયર કોચશ્રીની અખબારી યાદીમાં જણાવ્યા અનુસાર સ્પોર્ટ ઓથોરિટી ઓફ ગુજરાત-ગાંધીનગર તાબા હેઠળના જિલ્લા રમત પ્રશિક્ષણ કેન્દ્ર-લીંબડી કચેરી દ્વારા વોલીબોલ રમતની લીંબડી ખાતે સ્વામી વિવેકાનંદ સી.ઓ.ઈ. નિવાસી એકેડમી શરૂ કરવામાં આવનાર છે. જે અન્વયે વોલીબોલ એકેડમીમાં અંડર-૧૭ ભાઈઓ-બહેનોના પ્રવેશ માટે સુરેન્દ્રનગર જિલ્લામાં અસાધારણ ઊંચાઈ ધરાવતા ભાઈઓ-બહેનોને વોલીબોલ રમતની એકેડમીમાં સમાવવા માટે હાઈટ-હન્ટનું આયોજન કરવામાં આવેલ છે.
જે અંતર્ગત ૧૩ વર્ષની વય ધરાવતા ભાઈઓ માટે ૧૭૩+ અને બહેનો માટે ૧૬૬+ ઊંચાઈ, ૧૪ વર્ષની વય ધરાવતા ભાઈઓ માટે ૧૭૯+ અને બહેનો માટે ૧૭૧+ ઊંચાઈ, ૧૫ વર્ષની વય ધરાવતા ભાઈઓ માટે ૧૮૪+ અને બહેનો માટે ૧૭૩+ ઊંચાઈ, ૧૬ વર્ષની વય ધરાવતા ભાઈઓ માટે ૧૮૭+ અને બહેનો માટે ૧૭૫+ ઊંચાઈ મુજબના રસ ધરાવતા ખેલાડી ભાઈઓ-બહેનોએ આગામી તારીખ ૩૦ મી ઓકટોબર-૨૦૨૧ ના રોજ સવારે ૯.૦૦ કલાકે સ્પોર્ટ્સ કોમ્પ્લેક્સ, પોલીસ સ્ટેશનની બાજુમાં, લીંબડી, જિલ્લો સુરેન્દ્રનગર ખાતે હાજર રહેવા વધુમાં જણાવાયું છે.