રાજ્ય સરકારના અથાગ પ્રયત્નો અને કોરોના વોરિયર્સની સરાહનીય કાર્યને લીધે હાલ રાજ્યમાં કોરોના મહામારી ધીરે ધીરે કાબુમાં આવી ગઈ છે પણ આ મહામારીએ લાખો લોકોનાં ઘર – કુટુંબ બરબાદ કરી નાંખ્યાં છે ત્યારે આવા કપરા સમયમાં ઘણી એવી સંસ્થાઓ છે કે જે ગરીબ અને જરૂરિયાતમંદ લોકોની મદદ કરી તેઓને પગભર કરવામાં એક યા બીજી રીતે મદદ કરતાં હોય છે. આવું જ એક સરાહનીય કાર્ય માલાબાર ગ્રુપ, ‘આપણું ગુજરાત’ મિડિયા હાઉસ અને ઈન્ડિયા ફાઈટ્સ બેક ની ટીમ દ્વારા ફુડ વિતરણ કરવામાં આવ્યું હતું. ફુડ વિતરણની સાથે સાથે ‘આપણું ગુજરાત’ મિડિયા હાઉસનાં તંત્રી દેવેન વર્મા અને ટીમના સભ્યોએ જરૂરિયાતમંદ લોકોની વ્યથા સાંભળી તેઓને શક્ય એટલી વધુ મદદ કરવાની તૈયારી દર્શાવી હતી.