બોલીવુડ ફિલ્મ અભિનેતા કાર્તિક આર્યન એક પછી એક જોરદાર ફિલ્મો આપી રહ્યો છે. ભૂલ ભૂલૈયા 2 પછી તે હવે ઇન્ડસ્ટ્રીમાં પોતાની અલગ ઓળખ બનાવી ચૂક્યો છે. ત્યારે હવે તે વધુ એક નવી ફિલ્મ લઈને આવી રહ્યો છે. ઈન્ડસ્ટ્રીના ત્રણ પાવરહાઉસ પ્રોડ્યુસર સાજિદ નડિયાદવાલા, ડિરેક્ટર કબીર ખાન અને સુપરસ્ટાર કાર્તિક આર્યને એકબીજા સાથે હાથ મિલાવ્યો છે. ત્રણેય 14 જૂન 2024એ ઈદ-ઉલ-અજહાના દિવસે ફિલ્મ ચંદુ ચેમ્પિયન લઈને આવી રહ્યો છે. આ ફિલ્મની સ્ટોરી સાચી ઘટના પર આધારિત છે. કાર્તિકે સોશિયલ મીડિયા પર ફિલ્મનું પોસ્ટર શેર કર્યું હતું.
આવતા વર્ષે મોટી કેનવાસ ફિલ્મની સાથે દર્શકોને મનોરંજન પૂરું પાડવા માટે ત્રણેય સંપૂર્ણ રીતે તૈયાર છે. નિર્માતા-અભિનેતા અને નિર્દેશકની આ જોરદાર જોડી, જેમાં સાજિદ નડિયાદવાલા, કાર્તિક આર્યન અને કબીર ખાન જોડાયેલા છે. તેઓ એક વિશાળ મનોરંજન ફિલ્મ લાવવાની તૈયારીમાં છે. આ ફિલ્મની સ્ટોરી સાચી ઘટના પર આધારિત છે. આમાં ક્યારેય હાર ન માનવાની ભાવનાને દર્શાવવામાં આવે. આ ફિલ્મની સાથે દર્શક કાર્તિકને રિયલ લાઈફ પર બનતી ફિલ્મમાં જોઈ શકશે, જેમાં તે લીડ ચંદુના રોલમાં જોવા મળશે.
