ડભોઇ તિલકવાડા રોડ ઉપર નાંદોદી ભાગોળ પોલીસ ચોકીની સામે ઓવરલોડિંગ કપાસ ભરેલી ટ્રક વહેલી સવારે ડભોઇ નજીકથી પસાર થઇ રહી હતી ત્યારે ટાયર ફાટતા ડ્રાઇવરની ગફલતને કારણે રોંગ સાઈડ પરથી પસાર થતા ડિવાઈડર અને લાઇટના થાંભલામાં ટ્રક અથડાઈ પલટી ખાઈ ગઈ હતી. ટ્રકમાં ઓવરલોડ કપાસ ભરેલ હોવાના કારણે ટ્રકની બોડી ગાડીમાંથી છૂટી થઈ જવા પામેલ હતી. સદ્દનસીબે તે સમયે કોઈ વાહન કે રાહદારી પસાર ના થતો હોઈ મોટી જાનહાની થવા પામી ન હતી. ટ્રકનો ચાલક અકસ્માત સર્જી નાસી છુટેલ જાણવા મળ્યું છે પરંતુ સવાલ એ છે કે આ રોડ ઉપર બે દિવસ અગાઉ જ ટ્રક ચાલકે બાઇકને ટક્કર મારતા બાઇક સવારનું ઘટના સ્થળે જ મૃત્યુ નિપજાવ્યું હતું. તંત્રએ પૂરઝડપે આવતી અને ઓવરલોડિંગ ગાડીઓનું નિયંત્રણ કરવું જોઈએ. આ રોડ ઉપર અવાર નવાર રોજ અકસ્માતના બનાવો વધતા વાહન ચાલકો અને નગરના સ્થાનિક નાગરિકોમાં ભયનો માહોલ વર્તાયો છે.
(તસવીર / વિડિયો / અહેવાલ :- વિકાસ ચતુર્વદી, ડભોઈ)