છોટાઉદેપુર જિલ્લામાં ૯૫ ટકા પ્રસૂતિ હોસ્પિટલમાં થાય છે. છોટાઉદેપુરના ગામડાઓમાં ૨૦ વર્ષ વર્ષ પહેલા દાયણો દર વર્ષે ૪૦૦૦ પ્રસ્તુતિઓ કરાવતી હતી. આજથી ૧૫ થી ૨૦ વર્ષ પહેલાં બોડેલી તાલુકાના જબુગામ અને આસપાસના ૫૦ જેટલા ગામડાઓમાં ૧૦૦માંથી ૯૫ બાળકોનો જન્મ દાયણ દ્વારા થયો હતો જેથી કરીને માતા શિશુ પ્રસુતિના સમયે મોટી સંખ્યામાં બચાવી શકાતા ન હતા. ત્યારબાદ સરકાર અને એન.જી.ઓ. દીપક ફાઉન્ડેશન દ્વારા પીપીપી મોડલ પર સલામત માતૃત્વ અને સલામત શિશુ અભિયાન અંતર્ગત આ વિસ્તારના ગરીબ મધ્યમ વર્ગના ખેતી સહિતના શ્રમિક પરિવારો માટે માત્ર પ્રસ્તુતિ માટે જ નહીં સારવાર દરમિયાન દવાઓ પણ માટે એક પણ રૂપિયો લીધા વિના સારવાર અને મેડિકલ સુવિધા આપવાની શરૂઆત કરી હતી જેને લીધે છોટાઉદેપુરના ૭૦૦ ગામોએ દાયણોને જાકારો આપી દીધો છે.
૯૫ ટકા પ્રસુતિ જબુગામ રેફરલ હોસ્પિટલ અને માતૃત્વ સંભાળ કેન્દ્ર સી – મોક હોસ્પિટલમાં પ્રસૂતિ કરાવે છે. આજે આ હોસ્પિટલમાં વર્ષે ૩૦૦૦ થી વધુ મફત પ્રસ્તુતિઓ થાય છે જે ગુજરાતની તમામ સી.એચ.સી.માં સૌથી વધુ છે. અહીં પ્રસુતિ બાલ નવજાતને ઘરે લઇ ગયા બાદ પણ ઠંડી ન લાગે તે માટે વસ્ત્રો તથા પરિવારજનોને પણ રહેવાની સુવિધા મફત અપાય છે. આ સેન્ટર ૧૦ લાખ ની વસ્તીને આવરી લે છે.
(તસવીર / અહેવાલ :- ઈમરાન મનસુરી, બોડેલી)
પાછલી પોસ્ટ
આગળની પોસ્ટ