ગુજરાત વિધાનસભાની બે તબક્કામાં યોજાયેલી ચૂંટણી અને ત્યારબાદ ૧૮મી ડિસેમ્બરના રોજ આવેલા પરિણામ બાદ એવી રસપ્રદ વિગત બહાર આવવા પામી છે જેમાં ગુજરાતની ૧૮૨ વિધાનસભા બેઠકો ઉપર કુલ મળીને ૭૯૩ જેટલા અપક્ષ ઉમેદવારોએ ચૂંટણી જંગમાં ઝુંકાવ્યું હતું. જે પૈકી માત્ર ૩ અપક્ષ ઉમેદવારો જીતવામાં સફળ રહ્યા છે. ગુજરાતમાંથી વડગામની બેઠક પરથી જિગ્નેશ મેવાણી, લુણાવાડાની બેઠક પરથી રતનસિંહ મગનસિંહ રાઠોડ અને મોરવાહડફ બેઠક પરથી ભુપેન્દ્રસિંહ ખાંટ અપક્ષ ઉમેદવાર તરીકે જીતવામાં સફળ રહ્યા છે. કોંગ્રેસ સમર્થિત જિગ્નેશ મેવાણીએ ભાજપના ઉમેદવારને હાર આપી હતી. આમ ૧૮૨ બેઠકો ઉપર નસીબ અજમાવનારા ૭૯૩ અપક્ષ ઉમેદવારોમાંથી માત્ર ત્રણ જ અપક્ષો જીતનો સ્વાદ ચાખી શક્યા છે.
૭૯૩ અપક્ષમાંથી માત્ર ત્રણ વિજેતા બન્યાં
