અલ કાયદાએ હવે કર્ણાટક હિજાબ વિવાદ (Karnataka Hijab Controversy)માં પ્રવેશ કર્યો છે. આતંકવાદી સંગઠનના નેતા અયમાન અલ ઝવાહિરીએ ભારતીય મુસ્લિમોને હિજાબ પ્રતિબંધ સામે અવાજ ઉઠાવવા માટે ઉક્સાવ્યા છે અને તેને ઉત્પીડન ગણાવ્યું છે. ઝવાહિરીએ કર્ણાટકની વિદ્યાર્થી મુસ્કાન ખાનની પ્રશંસા કરતા 9 મિનિટનો વિડિયો બહાર પાડ્યો જેમાં તેણે ‘જય શ્રી રામ’ના નારા લગાવતા ભીડની સામે ‘અલ્લાહુ અકબર’ બૂમો પાડી.
મુસ્કાનને ગણાવી – ‘નોબલ વુમન ઑફ ઈંડિયા’
અલ કાયદાના વડા અયમાન અલ ઝવાહિરીએ પણ મુસ્કાનની પ્રશંસામાં કવિતા વાંચી છે. ઝવાહિરીનો આ વીડિયો અલ કાયદાના સત્તાવાર શબાબ મીડિયા દ્વારા બહાર પાડવામાં આવ્યો છે અને SITE ઈન્ટેલિજન્સ ગ્રુપ દ્વારા તેની પુષ્ટિ કરવામાં આવી છે. ઓસામા બિન લાદેન બાદ અલ કાયદાના નેતા બનેલા ઝવાહિરીએ કર્ણાટકની કોલેજ સ્ટુડન્ટ મુસ્કાન ખાનની ખુલ્લેઆમ પ્રશંસા કરી હતી. વિડિયોનું શીર્ષક અને પોસ્ટરમાં લખ્યું છે – ‘નોબલ વુમન ઑફ ઈંડિયા’
હિજાબ પર પ્રતિબંધ આપતા દેશો પર નિશાન
વીડિયોમાં ઝવાહિરીને એમ કહેતા સાંભળી શકાય છે કે તેને મુસ્કાન વિશે સોશિયલ મીડિયા દ્વારા ખબર પડી હતી. તેણે આગળ કહ્યું, ‘આ બહેને તકબીરનો અવાજ ઉઠાવીને મારું દિલ જીતી લીધું. તેથી જ હું તેમની પ્રશંસામાં કવિતા વાંચું છું. કવિતા વાંચ્યા પછી, ઝવાહિરીએ પાકિસ્તાન અને બાંગ્લાદેશ સહિતના દેશો પર હુમલો કર્યો જેણે હિજાબ પર પ્રતિબંધ મૂક્યો છે. તેમણે આ દેશોને પશ્ચિમી દેશોના સાથી ગણાવ્યા.
નવેમ્બર બાદ ઝવાહિરીનો પહેલો વીડિયો
ગયા વર્ષે નવેમ્બર બાદ ઝવાહિરીનો આ પહેલો વીડિયો છે. ઉલ્લેખનીય છે કે, આ વર્ષે જાન્યુઆરીમાં કર્ણાટકમાં હિજાબનો વિવાદ શરૂ થયો હતો. ઉડુપીની એક સરકારી શાળામાં કેટલીક વિદ્યાર્થિનીઓને હિજાબ પહેરીને ક્લાસમાં જવાથી રોકી દેવામાં આવી હતી. આ પછી દેશના ઘણા ભાગોમાં વિરોધ પ્રદર્શન થયા હતા. હિજાબના વિરોધમાં કેટલાક વિદ્યાર્થીઓ કેસરી શાલ પહેરીને માંડ્યાની PES કોલેજમાં આવ્યા હતા. બાદમાં મામલો કર્ણાટક હાઈકોર્ટમાં પહોંચ્યો હતો. કોર્ટે પોતાના ચુકાદામાં કહ્યું હતું કે હિજાબ ઇસ્લામનો અભિન્ન અંગ નથી અને તેથી રાજ્ય સરકારને તેને શાળાઓમાં યુનિફોર્મનો ભાગ બનાવવાનો આદેશ આપી શકાય નહીં.
