મહેસાણા જિલ્લાનાના કડી તાલુકામાં દિવસે ને દિવસે કોરોનાના કેસ વધતા જોવા મળી રહ્યા છે. કડી શહેરના અલગ અલગ વિસ્તારમાં કચરાના ઢગલા જોવા મળી રહ્યા છે. કડીના મોઠા કોટાડી વિસ્તારની સામે નવાપુરા, રાવળવાસ, શાકમાર્કેટ જેવી અનેક જગ્યાએ કચરાના ઢગલાનું સામ્રાજ્ય જોવા મળી રહ્યું છે. કડી નગરપાલિકા દ્વારા અમુક ચોક્કસ સમયગાળા દરમિયાન આ કચરાનો યોગ્ય જગ્યાએ નિકાલ ના થતાં આ પરિસ્થિતિ જોવા મળી રહેતી હોય છે અને ગંદકીને કારણે રોગચાળો ફેલાવાનો પણ ભય રહે છે. આજુબાજુના વિસ્તારમાં રહેતા લોકો પણ આ ગંદકીના કારણે પરેશાન જોવા મળી રહે છે સાથે સાથે ત્યાં વિસ્તારની ગાયને પુરતો ખોરાક ના મળી રહેતા છેલ્લે તે ગાયો કચરાના ઢગલામાંથી પ્લાસ્ટિક અને કચરો ખાય છે.
(તસવીર / અહેવાલ :- જૈમિન સથવારા, કડી)
પાછલી પોસ્ટ