ઊંઝા મા ઉમિયા માતાજી સંસ્થાન દ્વારા આગામી ૧૮ ડિસેમ્બડથી ચાર દિવસીય યોજાનાર લક્ષચંડી મહાયજ્ઞ યોજાવા જઈ રહ્યો છે ત્યારે કડી શહેરમાં માઇભક્તો દ્વારા બાઇક રેલીનું આયોજન કરવામાં આવ્યું હતું. ઉમિયા માતાજીના લક્ષચંડી મહાયજ્ઞના પ્રચાર પ્રસાર માટે કડી શહેરમાં આવેલ ઉમિયા માતાજી મંદિર ભાઉપુરા થી બાઇક રેલી યોજાયી હતી જે સમગ્ર કડી શહેરના રાજમાર્ગો ઉપર ફરી હતી અને લક્ષ્મીનારાયણ મંદિર ખાતે તેનું સમાપન થયું હતું. વિનોદ પટેલ (કડી એપીએમસી ચેરમેન), શારદા પટેલ (કડી નગરપાલિકા પ્રમુખ), કડી શહેર વી.એચ.પી. પ્રમુખ ભુપેન્દ્ર પટેલ, વિષ્ણુ પટેલ(ચેરમેન-કડી નગરપાલિકા), પ્રકાશ પટેલ (મહેસાણા જિલ્લા યુવા મોરચા પ્રમુખ), પ્રદીપ પટેલ (જય ભગવાન) મયંક પટેલ(આલ્ફા એજ્યુકેશન), શૈલેષ પટેલ(મહેસાણા જીલ્લા ભાજપ ઉપપ્રમુખ), ચિરાગ પટેલ(BJP કડી), તારક પટેલ તથા વિવિધ આગેવાનો અને સ્વયંસેવકો ઉપસ્થિત રહ્યા હતા.
(તસવીર / અહેવાલ :- જૈમિન સથવારા, કડી)
