ઉત્તરાયણના તહેવારને અનુલક્ષીને જિલ્લા મેજીસ્ટ્રેટશ્રી આર.એસ.નિનામાએ તેમને મળેલી સત્તાની રૂએ એક જાહેરનામા દ્વારા નર્મદા જિલ્લાના સમગ્ર વિસ્તારમાં ઉત્તરાયણના તહેવાર દરમિયાન સ્કાય લેન્ટર્ન (ચાઇનીઝ તુક્કલ) ચાઇનીઝ માંઝા / નાયલોન / પ્લાસ્ટીક દોરી, કાચ પાયેલી, અન્ય સિન્થેટીક પદાર્થથી કોટીંગ કરેલ હોય અને નોન-બાયોડીગ્રેબલ હોય તેવી દોરી તથા અન્ય હાનિકારક પદાર્થોથી કોટીંગ કરેલી દોરી તેમજ પતંગ ચગાવવા માટે ઉપયોગમાં લેવાતા અન્ય હાનિકારક પદાર્થોના ઉત્પાદન/વેચાણ/ઉપયોગ કરવા પર તા.૩૦ મી ડિસેમ્બર, ૨૦૧૭ થી તા.૨૫ મી જાન્યુઆરી, ૨૦૧૮ સુધી પ્રતિબંધ ફરમાવ્યો છે. આ હુકમનો ભંગ અથવા ઉલ્લંઘન કરનાર વ્યક્તિ શિક્ષાને પાત્ર થશે.