અભિષેક બચ્ચન હાલમાં કૂકી ગુલાટીની ફિલ્મ ‘ધ બિગ બુલ’નું શૂટિંગ કરી રહ્યો છે. આ ફિલ્મના જાહેરાત ૧૬ સપ્ટેમ્બરે કરવામાં આવી હતી. આ ફિલ્મને અજય દેવગન પ્રોડ્યૂસ કરી રહ્યો છે. હવે, ચર્ચા છે કે આ ફિલ્મમાં અભિષેકની સાથે એક્ટ્રેસ નીકિતા દત્તા જોવા મળશે. આ ફિલ્મમાં ઈલેના ડીક્રૂઝ પણ છે. ‘તુમ્બાડ’ ફૅમ સોહમ શાહ પણ આ ફિલ્મમાં મહત્ત્વના રોલમાં જોવા મળશે.
સોહમ શાહે ઈન્સ્ટાગ્રામ પેજ પર આ ફિલ્મ સાથે જોડાવાવની વાત કરી હતી. સોહમે કહ્યું હતું કે તેણે ‘ધ બિગ બુલ’નું શૂટિંગ શરૂ કરી દીધું છે અને શૂટિંગમાં ઘણી જ મજા આવી રહી છે. અભિષેક બચ્ચન સાથે કામ કરવાની ઘણી જ મજા આવી.
નીકિતાએ વર્ષ ૨૦૧૪મા ફિલ્મ ‘લેકર હમ દિવાના દિલ’થી બોલિવૂડ ડેબ્યૂ કર્યું હતું. અક્ષય કુમારની ફિલ્મ ‘ગોલ્ડ’માં નીકિતા દત્તા જોવા મળી હતી. આ ઉપરાંત નીકિતાએ ‘ડ્રીમ ગર્લઃ એક લડકી દિવાની સી’, ‘એક દૂજે કે વાસ્તે’, ‘હાસિલ’ તથા ‘આફત’ જેવી સિરિયલ્સમાં કામ કર્યું છે. નીકિતા છેલ્લે શાહિદ-કિઆરાની ફિલ્મ ‘કબીર સિંહ’માં જોવા મળી હતી.
અભિષેક સાથે નીકિતા દત્તા જોવા મળશે
