Aapnu Gujarat
ગુજરાત

અમદાવાદમાં રહેતા યુવકે 17 રાજ્યોમાં લોકો સાથે કરી કરોડોની ઠગાઈ

ઉત્તરાખંડ સ્પેશિયલ ટાસ્ક ફોર્સે (STF) સોમવારે 17 રાજ્યોમાં 102 સાયબર ક્રાઈમ કેસમાં વોન્ટેડ એવા 22 વર્ષીય હન્ટર એરિકની ધરપકડ કરી છે. અમદાવાદમાં રહેતો હન્ટર હવાલા ઓપરેટર હોવાની પણ શંકા વ્યક્ત કરવામાં આવી છે. જેણે નકલી અને બનાવટી દસ્તાવેજોનો ઉપયોગ કરીને છેલ્લા ત્રણ મહિનામાં 15.2 કરોડ રૂપિયાના ટ્રાન્ઝેક્શન કર્યા છે. ઉત્તરાખંડ સ્પેશિયલ ટાસ્ક ફોર્સના એસએસપી આયુષ અગ્રવાલે જણાવ્યું હતું કે, અમને ફરિયાદ મળી હતી કે દેહરાદૂનના એક વ્યક્તિ સાથે 34 લાખ રૂપિયાની છેતરપિંડી થઈ છે. આ વ્યક્તિને રોકાણ પર 30થી 40 ટકા રિટર્ન આપવાનું કહીને તેની સાથે ઠગાઈ કરવામાં આવી હતી. આ ઠગાઈમાં કેસ નોંધવામાં આવ્યો હતો અને અમારી તપાસ અમને અમદાવાદ સુધી લાવી. આરોપી નારોલમાં રાજીવનગર વિસ્તારમાં રહે છે.

હન્ટર એક નકલી વેબસાઈટ પર પોતાની ઓળખ લોન આપતી ખાનગી કંપનીના પ્રતિનિધી તરીકેની ઓળખ આપતો હતો. તે પોતાના ટાર્ગેટ્સને ટેલીગ્રામ ગ્રૂપમાં એડ કરતો હતો અને તગડું વળતર આપાવનું કહીને તેમને ઓનલાઈન ટાસ્ક આપતો હતો. શરૂઆતમાં ભોગ બનનારાઓ તગડું રિટર્ન મેળવવાની લાલચમાં નાની રકમ રોકતા હતા. હન્ટરે રોકાણકારોનો વિશ્વાસ સંપાદન કરવા અને ટ્રાન્ઝેક્શન માટે પંજાબના મોહાલીમાં શાહ એન્ટરપ્રાઈઝ નામથી એક ફર્મ શરૂ કરી હતી. આ કંપની દ્વારા એકઠા કરવામાં આવતા રૂપિયા અલગ-અલગ એકાઉન્ટમાં ટ્રાન્સફર કરવામાં આવતા હતા. હન્ટર નકલી આઈડીનો ઉપયોગ કરતો હતો અને એક વખત પોતાના ટાર્ગેટ સાથે ઠગાઈ કર્યા બાદ તે મોબાઈલ હેન્ડસેટ, સિમકાર્ડ અને બેક એકાઉન્ટ્સ બદલી નાખતો હતો.

એસટીએફ દ્વારા હન્ટર સાથે જોડાયેલા 14 બેક એકાઉન્ટના ડોક્યુમેન્ટ્સ જપ્ત કરવામાં આવ્યા હતા. ડોક્યુમેન્ટ્સ જોતા ખ્યાલ આવ્યો હતો કે તેણે છેલ્લા ત્રણ મહિનામાં 15.2 કરોડ રૂપિયાના ટ્રાન્ઝેક્શન માટે આ એકાઉન્ટનો ઉપયોગ કર્યો હતો. તપાસમાં સામે આવ્યું કે આંધ્ર પ્રદેશ, ચંદીગઢ, અરૂણાચલ પ્રદેશ, છત્તીસગઢ, દિલ્હી, ગુજરાત, હરિયાણા, કર્ણાટક, કેરળ, મધ્ય પ્રદેશ, મહારાષ્ટ્ર, ઓડિશા, રાજસ્થાન , તામિલનાડુ, તેલંગાણા, ઉત્તર પ્રદેશ અને બંગાળ સહિત કુલ 17 રાજ્યોમાં ફરિયાદ નોંધાઈ હતી.

Related posts

સોલા સિવિલ હોસ્પિટલ ખાતે વિશ્વ પર્યાવરણ દિવસની ઉજવણી કરાઈ

editor

ઓબીસી એસસી એસટી એકતા મંચ દ્વારા કાંકરેજ તાલુકામાં મામલતદારને આવેદનપત્ર સુપ્રત કરાયું

aapnugujarat

રાજપીપલાની આઇટીઆઇ ખાતે મહિલા સ્વાવલંબન દિવસની કરાયેલી ઉજવણી

aapnugujarat
UA-96247877-1