ભાજપા પ્રદેશ અધ્યક્ષશ્રી જીતુભાઇ વાઘાણીની અધ્યક્ષતામાં આવતીકાલે તારીખ ૧૨ જુન, ૨૦૧૯ના રોજ સવારે ૧૦.૦૦ કલાકે ભાજપા પ્રદેશ કાર્યાલય ‘‘શ્રી કમલમ્’’ કોબા ખાતે વિસ્તારકશ્રીઓની બેઠક યોજાશે. જેમાં રાષ્ટ્રીય સહ સંગઠન મહામંત્રીશ્રી વી. સતીષજી તથા પ્રદેશ સંગઠન મહામંત્રીશ્રી ભીખુભાઇ દલસાણીયા સવિશેષ ઉપસ્થિત રહેશે.
ત્યારબાદ સાંજે ૪.૦૦ કલાકે ભાજપા કિસાન મોરચાના પ્રદેશ અધ્યક્ષશ્રી બાબુભાઇ જેબલીયાની અધ્યક્ષતામાં રાજ્ય સરકારના કૃષિ મહોત્સવ સંદર્ભે કિસાન મોરચાની પ્રદેશ બેઠક યોજાશે. જેમાં પ્રદેશ અધ્યક્ષશ્રી જીતુભાઇ વાઘાણી, પ્રદેશ સંગઠન મહામંત્રીશ્રી ભીખુભાઇ દલસાણીયા, મંત્રીશ્રી આર.સી.ફળદુ તેમજ મોરચાના પ્રદેશ પ્રભારીશ્રી જયંતિભાઇ કવાડીયા સવિશેષ ઉપસ્થિત રહેશે તથા કૃષિ મહોત્સવ બાબતે માર્ગદર્શન આપશે.