ચેન્નાઈના એમ. ચેન્નાસ્વામી સ્ટેડિયમ ખાતે RCB અને મુંબઈ ઈન્ડિયન્સની મેચ યોજાઈ હતી. આ મેચમાં રોયલ ચેલેન્જર્સ બેંગ્લોરની ટીમની જીત થઈ છે, અને મુંબઈ ઈન્ડિયન્સ ટીમની હાર થઈ છે. મુંંબઈ ઈન્ડિયન્સે RCBને 172 રનનો ટાર્ગેટ આપ્યો હતો, જેને RCBએ માત્ર બે વિકેટ ગુમાવીને 16.2 ઓવરમાં ચેઝ કરી લીધો હતો. આ ટીમના હિરો વિરાટ કોહલી અને કાફ ડુપ્લેસી હતા. વિરાટ કોહલીએ અણનમ રહીને 49 બોલમાં 82 રન ફટકાર્ય હતા, જ્યારે ફાફ ડુ પ્લેસીસેએ 43 બોલમાં 73 રન ફટકાર્યા હતા. જો કે, IPL ડેબ્યૂ કરી રહેલા અર્શદ ખાને ફાફ ડુ પ્લેસીસને આઉટ કર્યો હતો. તો કેમરૂન ગ્રીને દિનેશ કાર્તિકને આઉટ કર્યો હતો. અંતે વિરાટ કોહલીએ છગ્ગો ફટકારીને ટીમને જિતાડી હતી. વિરાટ કોહલી અને ફાફ ડુ પ્લેસીસ વચ્ચે 89 બોલમાં 149 રનની પાર્ટનરશીપ જામી હતી.
મુંબઈ ઈન્ડિયન્સના બોલરની વાત કરીએ તો, મુંબઈ ઈન્ડિયન્સના બોલર જેસન બેહનડોર્ફે 3 ઓવરમાં 37 રન આપ્યા હતા, બીજા ક્રમે અર્શદ ખાને 2.2 ઓવરમાં 28 રન આપીને 1 વિકેટ ઝડપી હતી. જોફ્રા આર્ચરે 4 ઓવરમાં 33 રન આપ્યા હતા. કેમરુન ગ્રીને 2 ઓવરમાં 30 રન આપીને 1 વિકેટ ઝડપી હતી.જ્યારે રિતિક શોકીને 1 ઓવરમાં 17 રન આપ્યા હતા. મુંબઈ ઈન્ડિયન્સ માત્ર 2 વિકેટ જ ઝડપી શક્યુ હતુ.
જો વાત કરીએ મુંબઈ ઈન્ડિયન્સની તો, ટૉસ જીતને RCBએ પહેલા બોલિંગ કરવાનું પસંદ કર્યું હતુ, જ્યારે મુંબઈ ઈન્ડિયન્સના ભાગે બેટિંગ આવી હતી. મુંબઈ ઈન્ડિયન્સની શરૂઆત એકદમ ખરાબ રહી હતી. મુંબઈ ઈન્ડિયન્સના ટૉપ ઓર્ડર્સે એકદમ ખરાબ પર્ફોંમ્સ આપ્યુ હતુ. શરૂઆતમાં જ મુંબઈ ઈન્ડિયન્સે માત્ર 20 રનમાં ત્રણ વિકેટ ગુમાવી દીધી હતી. મેચની ત્રીજા ઓવરમાં મહોમ્મદ સિરાઝે ઈશાન કિશનને માત્ર 10 રનમાં જ આઉટ કરી દીધો હતો. ઈશાને મોટી શોર્ટ મારવાના ચક્કરમાં બાઉન્ડ્રી લાઈન પર ઉભેલા હર્ષલ પટેલને કેચ આપી બેઠો હતો. ત્યારબાદ ઓસ્ટ્રેલિયાના ઓલરાઉન્ડર કૈમરન ગ્રીનની વિકેટ મુંબઈ ઈન્ડિયન્સે ગુમાવી હતી. ગ્રીન રીસ ટૉપ્લીના બોલ પર માત્ર 5 રનમાં જ ક્લિન બોલ્ડ થયો હતો. ત્યાર બાદ મુંબઈ ઈન્ડિયન્સના કેપ્ટન રોહિત શર્માએ આકાશ દીપના બોલ પર વિકેટ કિપર દિનેશ કાર્તિકને કેંચ આપી દીધો હતો. રોહિત શર્મા માત્ર 10 રન જ મારી શક્યા હતા. જ્યારે માઈકલ બ્રેસવેલના બોલ પર સૂર્યકુમાર યાદવ માત્ર 15 રનમાં જ આઉટ થયો હતો. 48 રન પર મુંબઈ ઈન્ડિયન્સની ચાર વિકેટ પડી ગઈ હતી. ત્યારબાદ નેહાલ વઢેરા અને તિલક વર્માએ 50 રનની ભાગીદારી કરી હતી. જ્યારે ટૂંક સમયમાં જ નેહાલ વાઢેરાની સાથે સાથે ટિમ ડેવિડ અને ઋતિક શૌકીને પણ વિકેટ ગુમાવી દીધી હતી. આ સમયે મુંબઈના 7 વિકેટે માત્ર 123 રન જ બન્યા હતા. છેલ્લી બે ઓવરમાં 38 રન RCBએ આપી દીધા હતા. તિલક વર્માએ 46 બોલમાં અણનમ રહીને 84 રન ફટકાર્યા હતા. જેમાં તિલકે 9 ફોર અને 4 સિક્સર્સ સામેલ છ. મુંબઈ ઈન્ડિયન્સે કુલ 20 ઓવરમાં 7 વિકેટ ગુમાવીને 171 રન બનાવી શક્યુ હતુ.
વાત કરીએ RCBની બોલિંગની તો, મોહમ્મદ સિરાઝે કુલ 4 ઓવરમાં 21 રન આપીને 1 વિકેટ ઝડપી હતી. બીજા ક્રમ રીસ ટૉપલે 2 ઓવરમાં 14 રન આપીને 1 વિકેટ ઝડપી હતી. ત્રીજા ક્રમે આકાશ દીપે 3 ઓવરમાં 29 રન આપીને 1 વિકેટ ઝડપી હતી. ચોથા ક્રમે હર્ષલ પટેલે 4 ઓવરમાં 43 રન આપીને 1 વિકેટ ઝડપી હતી. પાંચમાં ક્રમે કર્ણ શર્માએ 4 ઓવરમાં 32 રન આપીને 2 વિકેટ ઝડપી હતી. છઠ્ઠા ક્રમે માઈકલ બ્રેસવેલે 2 ઓવરમાં 16 રન આપીને 1 વિકેટ ઝડપી હતી. જ્યારે ગ્લેન મેક્સવેલે 1 ઓવરમાં 16 રન આપ્યા હતા.
