જૂનાગઢમાં એક 23 વર્ષીય મહિલાએ તેના પતિ વિરૂદ્ધ ઘરેલુ હિંસાની ફરિયાદ નોંધાવી છે. એટલું જ નહીં આની સાથે તેણે આક્ષેપો કર્યા છે કે પતિએ લગ્ન જીવનનું સુખ પણ પત્નીને આપ્યું નથી. પત્નીએ જણાવ્યું કે પતિ ક્યારેય શારિરીક સંબંધો ધરાવવામાં રસ નહોતો ધરાવતો. અંગત પળો માણવાની ઈચ્છા જ્યારે પણ થાય ત્યારે પતિ બહાના બનાવતો હતો. આ અંગે તેણે મહિલા પોલીસ સ્ટેશનમાં ફરિયાદ પણ નોંધાવી દીધી છે. એટલું જ નહીં મહિલાએ સાસુ-સસરા વિરૂદ્ધ પણ દહેજ માટે ત્રાસ આપવાનો આક્ષેપ કર્યો હતો.
પરિણિતાએ મહિલા પોલીસ સ્ટેશનમાં ફરિયાદ નોંધાવી હતી. જેમાં ઉલ્લેખ કરાયો હતો કે પોરબંદરમાં તેના લગ્ન ફેબ્રુઆરી 2022 દરમિયાન થયા હતા. આ દરમિયાન લગ્નના 2 સપ્તાહમાં જ તેને જાણ થઈ કે પતિને શારિરિક સંબંધ બાંધવામાં ઈચ્છા જ નથી. તે અવાર નવાર બહાના બનાવીને આ અંગત પળો માણવાનું ટાળી દેતો હતો. આ અંગે મહિલાને થોડા મહિના તો બધુ સામાન્ય લાગ્યુ પરંતુ ત્યારપછી તેને શંકા થઈ ગઈ હતી.
