ઓનલાઇન ફૂડ કંપનીઓ દ્વારા સેવામાં ચૂકની ઘટનાઓ સામે આવી રહી છે. ચેન્નાઇમાં એક વ્યક્તિએ ઓનલાઇન નૂડલ્સ ઓર્ડર કરતા તેમાંથી લોહી વાળી બેન્ડેડ મળી આવી હતી. બાબામુર્ગન દીનદયાલન નામક વ્યકિતએ સ્વીગીમાંથી નૂડલ્સ ઓર્ડર કર્યા હતા. તેમણે અડધી નૂડલ્સ ખાઇ ખાઈ લીધા બાદ તેમને નૂડલ્સમાં લોહી વાળી બેન્ડેડ દેખાતા તેમનો પીત્તો ગયો હતો.
૧૦ ફેબ્રુઆરીએ ફેસબુક પર પોસ્ટ કરીને તેમણે લખ્યું હતું કે, તેમણે સ્વીગીમાંથી ચિકન સેઝવાન ચોપ્સી ઓર્ડર કરી હતી. જો કે તેમાંથી લોહી વાળી બેન્ડેડ નીકળતા તેમણે રેસ્ટોરન્ટ સાથે સંપર્ક કર્યો હતો જો કે તેમણે આ અંગે કોઇ જવાબ આપ્યો નહતો અને ઓર્ડરને રીપ્લેસ કરવાનો પણ ઇન્કાર કરી દીધો હતો આ સિવાય સ્વીગી પણ તેમની ફરિયાદનો જવાબ આપતી નથી.
જો કે બાદમાં સ્વીગીએ માફી માંગતા લખ્યું હતું કે, અમારા એક ગ્રાહકને અમારે લીધે મુશ્કેલી પડી તેના માટે અમે દિલગીર છીએ અને અમે આ અંગે માફી માંગીએ છીએ. તમારી ફરિયાદના આધાર પર અમે રેસ્ટોરન્ટને સસ્પેન્ડ કરી દીધી છે.