આજ રોજ ડભોઇ ટાવર બજારમાં નગરપાલિકાના મસ્ટર પર નોકરી કરતા કર્મચારીને માસ્ક વિના ફરતા જોઈ એક જાગૃત વેપારી દ્વારા તેઓને માસ્ક પહેરવાનું જણાવતા તેનું વિડિયો રેકોર્ડિંગ કર્યું હતું. મળતી માહિતી મુજબ આ એ કર્મચારી છે જે થોડા સમય પહેલા ડભોઇ નગરપાલિકામાંથી માસ્ક વગર ફરતા લોકોનો દંડ ઉઘરાવતો હતો. આજે પોતે માસ્ક પહેરેલ ના હોવાથી તેઓને આ અંગે પૂછતાં તમારા થી જે થાય તે કરી લો જેવો ઉદ્ધતાઈ પૂર્વક જવાબ આપતા આ કર્મચારી ત્યાંથી જતો રહ્યો હતો, જેનો વિડિયો ડભોઇ નગમાં વાયુ વેગે વાયરલ થતા લોકોએ આ કર્મચારી પર ફીટકાર વરસાવ્યો હતો અને ડભોઇ નગરના લારી – ગલ્લાવાળા લોકોમાંથી જાણવા મળ્યા મુજબ આ કર્મચારીનો ખુબ જ ત્રાસ છે. અવાર નવાર લારી – ગલ્લાવાળાઓને ખખડાવી હોદ્દાનો રોફ બતાવી લારીઓ ગલ્લા વાળા જોડે ઉદ્ધતાઈ પૂર્વકનો વ્યવહાર કરતો હોવાનું જાણવા મળેલ છે. જો આ કર્મચારીને આજે કોઈ જાગૃત નાગરિક દ્વારા પકડવામાં આવ્યો છે તો તંત્ર દ્વારા તેની ઉપર કાર્યવાહી કરી તેને પણ દંડ કરવો જોઈએ તો જ પ્રજાને તંત્ર પર ભરોસો રહેશે બાકી તો અંધેર નગરી ઔર ગંડું રાજા જેવા હાલ ડભોઇ નગરનો થશે. જો તંત્ર આ કર્મચારીને દંડ નહીં ફટકારે તો લોકો માસ્ક બાબતે તંત્ર સામે ઘર્ષણ કરશે અને ઉદાહરણરૂપે નગરપાલિકા કર્મચારીનો વિડિયો બતાવશે. હવે જોવાનું એ રહ્યું કે શું એ કર્મચારી પાસેથી તંત્ર દંડ વસુલશે કે પછી જતું કરશે ?
(તસવીર / અહેવાલ :- વિકાસ ચતુર્વેદી, ડભોઈ)
previous post