ગત ૨ એપ્રિલના રોજ પૂરા થયેલા સપ્તાહે દેશની કુલ વિદેશી હૂંડિયામણોમાં બહોળો હિસ્સો ધરાવતી વિદેશી ચલણી અસ્કયામતોમાં ઘટાડો થવાને કારણે કુલ અનામત ૨.૪૧૫ અબજ ડૉલર ઘટીને ૫૭૬.૮૬૯ અબજ ડૉલરની સપાટીએ રહી હોવાનું આરબીઆઈએ સાપ્તાહિક આંકડાકીય માહિતીમાં જણાવ્યું છે. સપ્તાહમાં કુલ વિદેશી હૂંડિયામણની અનામતમાં વિદેશી ચલણી અસ્કયામતો ૧.૫૧૫ અબજ ડૉલર ઘટીને ૫૩૬.૪૩૮ અબજ ડૉલરની સપાટીએ રહી હતી.
વિદેશી ચલણી અસ્ક્યામતો ઉપરાંત સોનાની અનામત ૮૮.૪ કરોડ ડૉલર ઘટીને ૩૪.૦૨૩ અબજ ડૉલર, આઈએમએફ સાથેના સ્પેશિયલ ડ્રોઈંગ રાઈટ્સ ૪૦ લાખ ડૉલર ઘટીને ૧.૪૮૬ અબજ ડૉલર અને તેની સાથેની અનામત પણ ૧.૨ કરોડ ડૉલર ઘટીને ૪.૯૨૩ અબજ ડૉલરએ રહી હતી.
વિદેશી હૂંડિયામણની અનામતમાં ૨.૪૧૫ અબજ ડૉલરનો ઘટાડો
