ડભોઇ દયારામ સ્કૂલની પાછળ આવેલ વોર્ડ નંબર ૮ કાસકી વાગામાં કેટલાક સમયથી પીવાના પાણીનો કાળો કકળાટ વર્તાઈ રહ્યો છે તેમજ ઘણાં સમયથી ગટર લાઈનની સમસ્યા અનહદ વકરતા સ્થાનિકો દ્વારા આ બધી સમસ્યાઓને લઈને ડભોઇ નગરપાલિકા ચીફ ઓફિસરની કચેરીએ હલ્લાબોલ કરી સૂત્રોચ્ચાર સાથે પોતાની વ્યથા વ્યથિત કરી હતી. ગટરનું ગંદુ પાણી અને ગંદકીથી રોગાચાળો ફાટી નીકળવાની દહેશત ફેલાઈ છે. રોગચાળો ફાટી નીકળશે તો તેની જવાબદારી કોની તેવું લોકમુખે ચર્ચાઈ રહ્યું છે. ગ્રામજનોએ નગરપાલિકા કચેરીએ સ્થાનિકો દ્વારા ચૂંટણી બહિષ્કાર અને આ સમસ્યાનો વહેલી તકે નિકાલ ના આવે તો ગાંધી ચિંધ્યા માર્ગે આંદોલન કરવાનું પણ ઉચ્ચાર્યું છે.
(તસવીર – અહેવાલ :- વિકાસ ચતુર્વેદી, ડભોઈ)