અમેરિકાના કેન્ટકી રાજ્યની શાળાઓમાં બાઈબલનું શિક્ષણ ફરજિયાત બનાવતો કાયદો ઘડવામાં આવ્યો છે.
સરકારી અનુદાન મેળવતી શાળાઓના વિદ્યાર્થીઓને બાઈબલનું શિક્ષણ આપવાનું રહેશે. આ નિર્ણય બદલ કેન્ટકીના ગવર્નર મેટ બોવિનની ભારે ટીકા થઈ છે. ટીકાકારો સરકારના વહીવટીતંત્ર અને ચર્ચને એકબીજાથી અલગ રાખવાની બંધારણીય જોગવાઈનો ઉલ્લેખ કરી રહ્યા છે. રાજ્યના પ્રતિનિધિ ડો.જે. જોનસને આ નિર્ણયને આવકારતાં જણાવ્યું હતું કે અમારા દેશનો પાયો નાખનારા અમારા પૂર્વજોએ બંધારણ લખ્યું છે, સ્વતંત્રતા માટે ઘોષણાપત્ર તૈયાર કર્યો છે અને નાગરિક અધિકારો નક્કી કર્યા છે. આ બધાનો પાયો બાઈબલમાં છે. બેવિને વધુમાં જણાવ્યું હતું કે તમે નાસ્તિક હોઈ શકો છો, આમછંતા તમે સ્વીકાર કરશો કે બાઈબલમાં આ માહિતીનો ઉલ્લેખ કરાયો છે. જોકે દરેક સ્થાનિક સ્કૂલ બોર્ડને બાઈબલના વર્ગ ચલાવવાનો વિકલ્પ પસંદ કરવાનો અથવા ન કરવાની સ્વતંત્રતા બક્ષવામાં આવી છે.
અમેરિકાની શાળાઓમાં કટ્ટરવાદ, બાઈબલ ફરજિયાત
