થોડા ટાઈમ પછી દિવાળી હોય હાલ દિવાળીનો માહોલ શરૂ થઈ ગયો છે. નાના બાળકોથી લઇ મોટા લોકો પણ ફટાકડા ફોડી આનંદ મેળવતા હોય છે ત્યારે સનાતન ધર્મ મહોત્સવ અને માળનાથ ગ્રુપ દ્વારા સરકાર, વેપારીઓ અને લોકોને એક નમ્ર અપીલ કરાઈ છે કે ફટાકડા અલગ અલગ વેરાઇટીમાં આવે છે જેમાં વર્ષોથી ખાસ કરીને લક્ષ્મી બોમ્બ આવે છે. આ લક્ષ્મી બોમ્બ ફટાકડાથી હિંદુ લોકોની ધાર્મિકતાને ઠેસ પહોંચે છે કારણ કે આ લક્ષ્મી બોમ્બ જ્યારે ફૂટે છે ત્યારે કાગળ પર દોરેલા લક્ષ્મીજીના કાગળના ટુકડા થઈ જાય છે અને આ કાગળ ગમે ત્યાં કચરામાં રોડ ઉપર પડે છે અને લોકો તેના પર ચાલે છે તેથી હિન્દુઓની લાગણી દુભાઈ છે.
સનાતન ધર્મ મહોત્સવ અને માળનાથ ગ્રુપ દ્વારા લોકોને અપીલ કરે છે કે આવા ફટાકડા ફોડશો નહીં એક તો ફટાકડામાં લક્ષ્મીજીનું ચિત્ર હોય તે ખરીદશો નહીં અને ફટાકડાથી પ્રદૂષણ પણ બહુ થાય છે. ભાવનગરમાં શિયાળો ગાળવા હજારો પક્ષીઓ આવે છે એને ફટાકડાના અવાજથી ભારે ખલેલ પહોંચે છે અને ફટાકડોનું મોટું માર્કેટ ચાઇનાનું પણ છે તો ચાઇનના ફટાકડા પણ નહીં ખરીદવા લોકોને સનાતન ધર્મ મહોત્સવ અને માળનાથ ગ્રુપના હરિભાઈ શાહે વિનંતી કરી છે.
(અહેવાલ / વિડિયો :- સુરેશ ત્રિવેદી, ભાવનગર)
