પાકિસ્તાનની નેવીને વધારે શક્તિશાળી બનાવવા માટે ચીને ભરપૂર પ્રયાસો શરુ કરી દીધા છે.જેના ભાગરુપે ચીન પાકિસ્તાનને નવી આઠ સબમરિન આપવાનુ છે.આ સબમરિનનુ નિર્માણ ચીન અને પાકિસ્તાન બેઘા મળીને કરાચીના શિપયાર્ડમાં કરશે.
સબમરિન નિર્માણ માટે શીપયાર્ડમા જરુરી ફેરફારો કરવામાં આવી રહ્યા છે.હવે આ ફેરફારો અંતિમ તબક્કામાં છે.મળતી જાણકારી અનુસાર આઠ પૈકીની પહેલી સબમરિન ચીનમાં બની રહી છે અને ૨૦૨૧ સુધીમાં પાકિસ્તાનને ડિલિવર કરવામાં આવશે.એ પછી બાકીની સબમરિન પાકિસ્તાનના કરાંચીમાં બનશે અને ૨૦૨૮ સુધીમાં પાકિસ્તાની નેવીમાં સામેલ થશે.
પાકિસ્તાન અને ચીનની નૌ સેના એક બીજાની સાથે મળીને કામ કરે છે તે વાત તો જાણીતી છે.સમયાંતરે બંને દેશની નેવીના જંગી યુધ્ધ જહાજો યુધ્ધાભ્યાસમાં જોડાયા હોય છે.
ચીન પાકિસ્તાનને ૮ સબમરીન આપશે
