પીએસયુ ઇન્સ્યોરર ન્યુ ઇન્ડિયા ઇન્સ્યોરન્સ દ્વારા પ્રથમ વખત આઈપીઓ લાવવા માટેની તૈયારી કરવામાં આવી ચુકી છે. માર્કેટ રેગ્યુલેટર સેબી સમક્ષ ટૂંક સમયમાં જ પ્રાથમિક જરૂરિયાત સાથે સંબંધિત પેપરો રજૂ કરવામાં આવનાર છે. આ પ્રક્રિયા પુરી થઇ ગયા બાદ ડિસેમ્બર સુધી માર્કેટમાં આઈપીઓ લાવવામાં આવશે. ન્યુ ઇન્ડિયા ઇન્સ્યોરન્સ ચાર પીએસયુ જનરલ ઇન્સ્યોરન્સ કંપનીઓમાં સૌથી મોટી કંપની તરીકે છે. સરકાર દ્વારા આ સંચાલિત છે. ન્યુ ઇન્ડિયા ઇન્સ્યોરન્સના ચેરમેન અને મેનેજિંગ ડિરેક્ટર જી શ્રીનિવાસને માહિતી આપતા કહ્યું છે કે, અમને આશા છે કે, આ કેલેન્ડર વર્ષના અંત સુધી આઈપીઓ પ્રક્રિયા પૂર્ણ કરી લેવામાં આવશે. જો માર્કેટની સ્થિતિ સારી રહેશે તો ડિસેમ્બરમાં આ આઈપીઓ લાવવામાં આવશે. સૂચિત ઇશ્યુ માટે ડ્રાફ્ટ રેડ હેરી પ્રોસ્પેક્ટ્સ (ડીઆરએચપી) ફાઇલ કરવાની પ્રક્રિયા શરૂ કરી દેવામાં આવી છે.
ન્યુ ઇન્ડિયા ઇન્સ્યોરન્સ આઈપીઓ ડિસેમ્બરમાં
