22 C
Ahmedabad
March 29, 2020
Uncategorized

કોરોના વાઈરસની મહામારીને લઈને સોમનાથ ટ્રસ્ટનો નિર્ણય

Font Size

સમગ્ર વિશ્વમાં કોરોના વાઈરસની મહામારીને લઈને આજ રોજ ગાંધીનગર ખાતે માન . અધ્યક્ષશ્રી કેશુભાઈ પટેલના નિવાસ સ્થાને માન . ટ્રસ્ટી સેક્રેટરીશ્રી પી . કે . લહેરી સાહેબ માન . અધ્યક્ષશ્રીને મળ્યા હતા . તેમજ કોરોના વાઈરસને લઈને શ્રી સોમનાથ મંદિર તથા અન્ય અતિથિગૃહોની સેવા બાબતે ચર્ચા કરી હતી . જેમાં નિર્ણય લેવામાં આવ્યો છે કે , કોરોના વાઈરસની મહામારીને ધ્યાનમાં રાખી તા . રપ – ૦૩ – ૨૦૨૦ નો સુવર્ણ કળશ પ્રતિષ્ઠાનો કાર્યક્રમ રદ કરવામાં આવ્યો છે . શ્રી સોમનાથ ટ્રસ્ટ દ્વારા ભાવિકોને ( દર્શન ફ્રોમ હોમ ) સોશ્યલ મીડીયાના માધ્યમથી સોમનાથજીના દર્શન કરવા પણ અપીલ કરવામાં આવી છે . ટ્રસ્ટની વેબસાઈટ www . somnath . org , ફેસબુક , ટ્વીટર , ઈન્સ્ટાગ્રામ , સોમનાથ યાત્રા એપના માધ્યમથી દર્શન કરવા વિનંતી કરવામાં આવે છે .
આરોગ્ય વિભાગ તથા સરકારશ્રીની સુચના – માર્ગદર્શન મુજબ શ્રી સોમનાથ ટ્રસ્ટના અતિથિગૃહોમાં રોકાતા યાત્રિકોનું પણ ટેમ્પરેચર ચેક કરવામાં આવે છે . આ માટે ટેમ્પરેચર માપવા માટેના સ્કેનીંગ મશીન પણ મુકવામાં આવ્યા છે . ટ્રસ્ટના , પોલીસ , એસ . આર . પી . તેમજ ફરજ પરના તમામ સ્ટાફને માસ્ક પણ આપવામાં આવ્યા છે . જેમ જરૂરીયાત જણાય તેમ સોમનાથ ખાતેના અદાણી સ્કીલ ડેવલપમેન્ટ સેન્ટરમાં આ માસ્ક બનાવવાની કામગીરી ટ્રસ્ટ દ્વારા જરૂરી મટીરીયલ્સ પુરૂ પાડી કાપડમાંથી થ્રિલેયર માસ્ક બનાવવાનું શરૂ કરવામાં આવ્યું છે . શ્રી સોમનાથ મંદિર તેમજ અતિથિગૃહમાં પણ રેલીંગ , ફલોરીંગ વિગેરે જગ્યાએ ફિનાઈલના પોતાથી દિવસમાં ૦૩ થી ૦૪ વખત સફાઈ કરવાની વ્યવસ્થા પણ કરવામાં આવી છે . શ્રી સોમનાથ મંદિરમાં આરતી દરમ્યાન કે દર્શનમાં ભીડ ન થાય તે રીતે હાલ દર્શનની વ્યવસ્થા કરી છે . સોમનાથ મંદિરે ચાલતો લાઈટ એન્ડ સાઉન્ડ શો પણ બંધ કરવામાં આવ્યો છે . તેમજ ટ્રસ્ટના ઓડીટોરીયમમાં પણ કોઈ કાર્યક્રમો ન કરવા સુચના આપવામાં આવી છે . કોરોના વાઈરસને લઈને સાવચેતી રાખવા માટેના હોર્ડીંગ / બેનરો પણ મુકવામાં આવ્યા છે . શ્રી સોમનાથ મંદિરમાં કપુર , ગુગળનો ધુપ કરવાનું શરૂ કર્યું છે . મંદિર દર્શન માટે પરિસ્થિતિને ધ્યાનમાં રાખી યોગ્ય નિર્ણય કરવામાં આવશે .

રિપોર્ટ : મહેન્દ્ર ટાંક, સોમનાથ

Related posts

જેનિફર લોરેન્સ ડાર્ક ફોનિક્સમાં રહેશે

aapnugujarat

કાંકરેજ તાલુકાના વેપારી મથક થરા ખાતે બ્રહ્મલીન સંતશ્રી સદારામ બાપાની જન્મજયંતિની ઉજવણી ધામધૂમથી ઉજવવામાં આવી

aapnugujarat

આયુર્વેદને દેશમાં ખૂણેખૂણે પહોંચાડવા આયુષ મંત્રાલયે બનાવ્યો માસ્ટર પ્લાન

aapnugujarat

Leave a Comment

UA-96247877-1