Aapnu Gujarat
આંતરરાષ્ટ્રીય સમાચાર

ત્રાસવાદને ટેકો આપતા પાકની સહાય પર કાપ મૂકોઃ અમેરિકાના ધારાસભ્યો

અમેરિકાના ટોચના બે ધારાસભ્યે પાકિસ્તાન પર ત્રાસવાદને ટેકો આપવાનો આક્ષેપ કરીને ટ્રમ્પ વહીવટીતંત્રને પાકિસ્તાનને લશ્કરી સહાયમાં કાપ મૂકવાની અરજ કરતાં જણાવ્યું હતું કે અમેરિકાએ પોતાના શસ્ત્રો મેળવવાનું ઇસ્લામાબાદ માટે વધુ મુશ્કેલ બનાવવું જોઈએ. આ અઠવાડિયે કૉંગ્રેસની સુનાવણી દરમિયાન કૉંગ્રેસના ડેના રોહરબાકર અને ટેડ પૉએ આક્ષેપ કર્યો હતો કે પાકિસ્તાન ત્રાસવાદ સાથે સંકળાયેલું છે. તેમણે ભારપૂર્વક જણાવ્યું હતું કે પાકિસ્તાનને આપવામાં આવતી લશ્કરી મદદમાં અમેરિકાએ કાપ મૂકવાની જરૂર છે. આપણે એ બાબત રેકોર્ડ પર લેવાની જરૂર છે કે આપણો દેશ પાકિસ્તાન જેવાં દેશોને શસ્ત્રો નહીં પૂરાં પાડે. પાકિસ્તાન ત્રાસવાદી કૃત્યો સાથે સંકળાયેલું હોવાનું આપણે જાણીએ છીએ. એ દેશ એક દિવસ આપણા લોકોને ઠાર મારશે, એવી અમને દહેશત છે., એમ રોહરાબાચરે ત્રાસવાદ, અણુઅપ્રસાર અને વ્યાપાર અંગેની વિદેશને લગતી બાબતોની પેટા સમિતિ સમક્ષ વિદેશનાં લશ્કરી સરંજામના વેચાણ પરની સુનાવણી વખતે કહ્યું હતું.તેમણે જણાવ્યું હતું કે આપણે જાણીએ છીએ કે તેમણે (પાકિસ્તાને) અત્યારસુધીમાં શું કર્યું?રાજકીય લશ્કરી બાબતોના કાર્યવાહક સચિવ ટીના કાઇદાનોવે જણાવ્યું હતું કે પાકિસ્તાન અને અમેરિકા વચ્ચે મોનિટરિંગ પ્રોગ્રામ હેઠળ આપવામાં આવેલી આઈટેમોનો મર્યાદિત પ્રમાણમાં ઉપયોગ કરવાની બાયધરીનો ચુસ્ત અમલ કરવાનું જણાવ્યું છે.

Related posts

અમેરિકાએ કહ્યું- અમે હાફિઝ સઇદને આતંકી માનીએ છીએ, પાકિસ્તાન તેના પર કેસ ચલાવે

aapnugujarat

दुनियाभर में कोरोना वायरस से हुई मौतों का जिम्मेदार चीन : ट्रंप

editor

પાકિસ્તાનના પૂર્વ વડાપ્રધાન ઈમરાન ખાનને માથે ધરપકડની તલવાર…

aapnugujarat

Leave a Comment

UA-96247877-1