પાકિસ્તાન સરકાર ગિલગિટ-બાલ્તિસ્તાનમાં સિંધુ નદી પર બંધના બાધકામનો આગામી વર્ષથીઆરંભ કરશે. આ માટે ચીન નાણાકીય સહાય પૂરી પાડનાર છે.પાકિસ્તાનના યોજનાપ્રધાન એહસાન ઈકબાલે જણાવ્યું હતું કે પાકિસ્તાન સિંધુ નદીએ બંધની શ્રૃખંલા ઉભી કરશે. આ વિસ્તાર પાકિસ્તાનના કબજા હેઠળના કાશ્મીરમાં છે. ભારત પણ આ બંધો અંગે વાંધો ઉઠાવે છે. વિવાદાસ્પદ વિસ્તાર હોવાને લીધે એકેય આંતરરાષ્ટ્રીય એજન્સી પાકિસ્તાનને ભંડોળ આપવા તૈયાર નથી. પાકિસ્તાને જોકે આ માટે ચીન તરફ દ્રષ્ટિ દોડાવી છે. જોકે તેનાથી ભારત સાથે સંબંધો વણસવાની શક્યતા છે.મીડિયા અહેવાલ પ્રમાણે ચીનની વન બેલ્ટ વન રોડ યોજના પછી પાકિસ્તાનના મનમાં આ ઓરતા જાગ્યા છે. બીજીબાજુ ચીન પણ આ રીતે આધુનિક સિલ્ક રોડ બનાવવાની ઈચ્છા ધરાવે છે. આ યોજનામાં એશિયાને યુરોપ અને આફ્રિકા સાથે જોડીને વેપાર માટે નવો માર્ગ ખુલ્લો મુકાશે.
ચીનની ખેરાતથી પાક. સિંધુ નદી પર બનાવશે અસંખ્ય બંધ
