Aapnu Gujarat
આંતરરાષ્ટ્રીય સમાચાર

લંડનમાં૨૭ માળની ઇમારતમાં ભીષણ આગમાં છ ભડથુ

બ્રિટનના પાટનગર લંડનના લેરિમર રોડ પર વાઇટ સિટીના ગ્રેનફેલ ટાવરમાં આજે સવારે ભીષણ આગ ફાટી નિકળી હતી. જેમાં ઓછામાં ઓછા છ લોકો બળીને ભડથુ થઇ ગયા હતા જ્યારે ૫૦થી વધુ લોકો દાઝી ગયા હતા. દાઝી ગયેલા લોકો પૈકી અનેકની હાલત ગંભીર જણાવવામાં આવી છે જેથી મોતનો આંકડો વધવાની દહેશત દેખાઈ રહી છે. ૫૦ લોકોને શહેરની જુદી જુદી પાંચ હોસ્પિટલમાં દાખલ કરાયા છે. ઇમારતમાં આશરે ૬૦૦ લોકો રહે છે. અહીં ૧૨૦થી પણ વધારે ફ્લેટ છે. આગ બાદ મોટી સંખ્યામાં લોકો અટવાઇ પડ્યા હતા. ૨૭ માળની આ ઇમારતમાં આગ લાગી ત્યારે મોટી સંખ્યામાં લોકો હતા. આ ઇમારતમાં કુલ ૧૨૦ ફ્લેટ આવેલા છે. આગ એટલી ભીષણ હતી કે આગ પર કાબુ મેળવી લેવા માટે આસપાસના તમામ વિસ્તારોમાંથી ફાયર ફાઇટરને બોલાવવામાં આવ્યા હતા. ૨૦૦ ફાયર ફાઇટર ગાડી ઘટનાસ્થળે પહોંચીહતી.
સેંકડોની સંખ્યામાં કર્મચારીઓ આગ પર કાબુ મેળવી લેવા માટે પહોંચ્યા હતા. મેટ્રોપોલિટન પોલીસના કહેવા મુજબ હાલમાં તમામ લોકોને ઇમારતમાંથી બહાર કાઢવાનુ કામ જારી છે. આગના કારણે કેટલાક લોકો ગંભીરરીતે દાજી ગયા હતા. દાજી ગયેલા લોકોને સારવાર માટે હોસ્પિટલમાં ખસેડી દેવામાં આવ્યા છે. સ્થાનિક મિડિયા હેવાલમાં કહેવામાં આવ્યુ છે કે આગ ફેલાઇ જવાના કારણે લોકોમાં બુમાબુમ મચી ગઇ હતી. વહેલી પરોઢે આગ લાગી હતી. બ્રિટનમાં હાલમાં એક પછી એક મોટી ઘટના બની રહી છે. હાલમાં બે ત્રાસવાદી હુમલા થઇ ગયા છે જે પૈકી એક માન્ચેસ્ટરમાં અને અન્ય લંડનમાં બે વખત હુમલો કરવામાં આવ્યો હતો. પહેલાથી જ બ્રિટન હાઇ એલર્ટ પર છે. કોઇ હુમલો કરાયો છે કે કેમ તેની ચર્ચા પણ શરૂઆતમાં રહી હતી. આગના કારણને લઇને તપાસ હાથ ધરવામાં આવી છે. હજુ સુધી કોઇ વાત તંત્ર દ્વારા કરવામાં આવી નથી.

Related posts

આઇએસઆઇએસનું સામ્રાજ્ય ખતમ : ડોનાલ્ડ ટ્રમ્પ

aapnugujarat

आईएसआई की कार्रवाई ने बढ़ाई भारत और म्यांमार की नजदीकी

aapnugujarat

ટ્રમ્પે કહ્યું ખશોગીની હત્યા થઈ હોવાની આશંકા, ગંભીર પરિણામોની ચીમકી

aapnugujarat

Leave a Comment

URL