વેરાવળ પ્રભાસ પાટણના રામરાખ ચોક ગણેશ કિંગ મિત્ર મંડળ દ્વારા આયોજીત ગણેશ ઉત્સવમાં ગીર સોમનાથ જિલ્લા કલેક્ટર અજય પ્રકાશે ગજાનન ગણપતિની મહાપૂજા મહાઅભિષેક અને આરતી કરી ધન્યતા અનુભવી હતી.
ગણેશ ઉત્સવના બીજા દિવસે જિલ્લા કલેક્ટર અજય પ્રકાશ પ્રભાસપાટણ રામરાખ ચોકમાં સ્થાપિત ગણેશજીના પુજન માટે પધારેલ તેમજ મહાપૂજાનો લાભ લીધેલ હતો.રામરાખ ચોક ખાતે ખાસ આકર્ષણનું કેન્દ્ર બનેલ એવા સોમનાથ ભગવાનના શ્રાવણ માસ દરમ્યાન થયેલ રોજેરોજના આહલાદક શણગારના દર્શન કરી ખુશી વ્યક્ત કરેલ હતી તેમજ આજના દિવસે ગણેશજીના પુજન અર્ચન કરી ધન્યતા અનુભવી હતી.
આજની પુજામાં જિલ્લા કલેક્ટર સહિત વેરાવળ પાટણ સંયુક્ત નગરપાલિકાના પૂર્વ પ્રમુખ જગદીશ ફોફંડી સહિત સ્થાનિક આગેવાનો અને પત્રકારો ઉપસ્થિત રહ્યા હતા.
(તસવીર / અહેવાલ :- મહેન્દ્ર ટાંક, સોમનાથ)