ઉત્તરપ્રદેશમાં કાયદો અને વ્યવસ્થાની સ્થિતી મજબુત કરવા માટે યોગી સરકારે કમર કસી લીધી છે. આના માટે નવી ટેકનોલોજીનો ઉપયોગ કરવામાં આવી રહ્યો છે. ટેકનોલોજીની મદદથી પોલીસ સિસ્ટમને મજબુત કરવા પર ધ્યાન કેન્દ્રિત કરવામાં આવી રહ્યુ છે. કાયદો અને વ્યવસ્થા અને તેમજ પોલીસની લાપરવાહીને લઇને સરકાર ટિકા ટિપ્પણીનો સામનો કરી રહી છે. હવે યોગી સરકાર અસરકારક રીતે આગળ વધવા માટે તૈયાર થઇ છે. મુખ્યપ્રધાન યોગી હવે અખિલેશ યાદવ દ્વારા લોંચ કરવામાં આવેલી યુપી ૧૦૦ સર્વિસમાં મહત્વના સુધારા કરવા જઇ રહી છે. જેના હેઠળ નાગરિકો તરફથી યુપી ૧૦૦ પોર્ટલ પર કરવામાં આવેલી ફરિયાદમાં ધ્યાન આપવામાં આવી રહ્યુ છે. મુખ્યપ્રધાનની ઓફિસથી કેટલાક આદેશ જારી કરવામાં આવ્યા છે. ઉત્તરપ્રદેશમાં નવી સરકાર આવી ગયા બાદ હવે કાયદામાં સુધારા કરવાની પ્રક્રિયા હાથ ધરવામાં આવી રહી છે. અસમાજિક તત્વોની ગતિવિધી પર બ્રેક મુકવા માટે પણ પગલા લેવામાં આવી રહ્યા છે. વધારે સારી વેબ પોર્ટલની પણ યોજના તૈયાર કરવામાં આવી રહી છે.
ટેકનોલોજીની સહાયતાથી પોલીસ વ્યવસ્થા મજબુત કરવાયોગી સરકારનું ધ્યાન
