બિહારના કૈમૂર જિલ્લાના સોનબરસા ગામમાં શનિવારે દબંગો દ્વારા બે યુવકોને ઉલ્ટા લટકાવીને ડંડાથી પીટવાની ઘટના સામે આવી છે. એટલું જ નહીં આ યુવકોની પીટાઈ બાદ દંડ તરીકે તેમની પાસેથી ૩૦૦૦ રૂપિયા વસૂલ કરવામાં આવ્યાં હતાં. આ બંને યુવકો પર થોડા દિવસ પહેલા અહીં થયેલા એક લગ્ન દરમિયાન ૫ ખુરશીઓની ચોરીનો આરોપ લગાવવામાં આવ્યો હતો. આ ઘટનાનો વીડિયો જારી થઈ જતા પ્રશાસન ચોંકી ગયું છે. આસપાસ ઊભેલા લોકોએ પણ આ મામલે કશુ કર્યું નથી. તેઓ મૂક દર્શક બનીને બેસી રહ્યાં હતાં.
મીડિયા રિપોટ્ર્સ મુજબ બંને પીડિતો આ ઘટનાથી ખુબ ડરેલા છે અને એટલા ડર્યા છે કે તેઓ પોલીસ સ્ટેશનમાં ફરિયાદ કરવા પણ માંગતા નથી.
આ ઘટનાની જાણકારી મળતા જ જિલ્લાના વરિષ્ઠ પોલીસ અધિકારીઓએ પીડિત યુવકોને સુરક્ષાનું આશ્વાસન આપ્યું છે.આ અગાઉ પણ મહારાષ્ટ્રમાં ચોરીના આરોપમાં બે બાળકોની પીટાઈનો મામલો સામે આવ્યો હતો. ઉલ્લાસનગરમાં ૮ અને ૯ વર્ષના બે બાળકોના કપડા ઉતારીને, માથે મુંડન કરાવી તથા ગળે ચપ્પલોની માળા પહેરાવીને પરેડ કરાવાતા મોટો વિવાદ થયો હતો.
આ દરમિયાન બંનેની પીટાઈ પણ કરાઈ હતી. બાળકો પર એક મીઠાઈની દુકાનમાંથી કેટલીક ચોકલેટોની ચોરીનો આરોપ હતો.
બિહારનાં કૈમૂર જિલ્લામાં લગ્નમાં ખુરશીઓની ચોરીનો આરોપ લગાવી બે યુવકોને ઊલ્ટા લટકાવી ઢોર માર માર્યો
