ગયા શુક્રવારે બનેલી ઘટનામાં ત્યાંના જોહનિસબર્ગ પાસે એક યુવકે શૅરિંગમાં ટૅક્સી કરી હતી. એ ટૅક્સીમાં પહેલેથી જ ત્રણ યુવતીઓ બેઠી હતી. થોડા સમય પછી ટૅક્સીએ અચાનક રસ્તો બદલી નાખ્યો. યુવકને આગળની સીટ પર બેસવાનું કહીને પાછળથી બેહોશીનું ઇન્જેક્શન મારી દીધું. એ યુવકે પોલીસને આપેલી બાતમી પ્રમાણે જ્યારે તેને હોશ આવ્યા ત્યારે તે કોઈ અજાણી જગ્યાએ પથારીમાં પડ્યો હતો. એ પછી તેને એ જ ત્રણ યુવતીઓએ બળજબરીપૂર્વક કોઈ કેફી દ્રવ્ય પીવડાવીને ત્રણેક દિવસ સુધી વારંવાર તેના પર બળાત્કાર ગુજારતી રહી. એ પછી તેને અર્ધનગ્ન હાલતમાં એક મેદાનમાં ફેંકીને જતી રહી. કફોડી સ્થિતિમાં એ યુવકે પસાર થતા એક વાહન પાસે મદદ માગી અને નજીકની હૉસ્પિટલમાં પહોંચ્યો. પોલીસનું કહેવું છે કે બળાત્કારના કિસ્સામાં ભલે પુરુષ ભોગ બન્યો હોય, પણ તેઓ આ જાતીય હિંસાને અત્યંત ગંભીરતાથી લે છે. દક્ષિણ આફ્રિકામાં વર્ષે બળાત્કારના પાંચેક લાખ કિસ્સા નોંધાય છે, જેમાંથી વીસ ટકા પીડિતો પુરુષો હોય છે.
જ્હોનિસબર્ગમાં ઇન્જેક્શન આપી બેભાન કર્યા બાદ ત્રણ સ્ત્રીઓએ ત્રણ દિવસ સુધી યુવક પર બળાત્કાર ગુજાર્યો
