ગુજરાત રાજય મહિલા આયોગ માહિતી અને જાણકારીને માધ્યમ બનાવીને મહિલાઓના સશકિતકરણની પ્રવૃત્તિઓ કરે છે. તેના દ્વારા વડોદરા જિલ્લા પંચાયતના સહયોગથી મહિલા સમુદાયને સુમાહિતગાર કરવા કાયદાકીય જાગૃતિ શિબિરનું શુક્રવાર તા. ૨૬/૦૫/૨૦૧૭ના રોજ વડોદરા તાલુકાના સોખડા ગામે જગાજી મંદિર હોલમાં આયોજન કરવામાં આવ્યું છે. આયોગ અધ્યક્ષ લીલાબેન અંકોલીયા સવારના ૧૦/૩૦ કલાકે તેનો શુભારંભ કરાવશે. આ શિબિરમાં મહિલાઓના હકક અને હિતોનું રક્ષણ કરતા કાયદાઓ અને જોગવાઇનું માર્ગદર્શન અધ્યક્ષા તેમજ જિલ્લા કલેકટર પી.ભારથી, જિલ્લા વિકાસ અધિકારી સૌરભ પારઘી, આયોગના અધિક કલેકટર વિણા પટેલ, જિલ્લા પંચાયત અધ્યક્ષ ઘનશ્યામ પટેલ અને મહાનુભાવો આપશે.
વડોદરા તાલુકાના સોખડા ગામે મહિલાઓને સુમાહિતગાર કરવા કાયદાકીય જાગૃતિ શિબિર યોજાશે
