Aapnu Gujarat
રમતગમત

મેચ દરમ્યાન કાનપુર પિચ પર એસિડ નખાવવા ઈચ્છતો હતો સટ્ટાકિંગ : નયન શાહનો ધડાકો

ઈન્ડિયન પ્રીમીયર લીગ એટલેકે આઈપીએલની ૧૦મી સિઝનમાં ફિક્સિંગના આરોપમાં ઘેરાયેલા મહારાષ્ટ્રના અંડર-૧૯ના ખેલાડી નયન શાહની પૂછપરછમાં નવો ખુલાસો થયો છે. આ કેસમાં સટ્ટાકિંગ તરીકે મુખ્યત્વે બંટી ખંડેલવાલનું નામ સામે આવ્યું છે. બંટી ખંડેલવાલને માસ્ટર માઈન્ડ ગણાવવામાં આવ્યો છે. નયન શાહનો હેન્ડલર બંટી ખંડેલવાલ કાનપુરની ગ્રીન પાર્ક સ્ટેડિયમમાં થનારી મેચ દરમ્યાન પીચ પર એસિડ નખાવવા ઈચ્છતો હતો. આ વાત એક ઓડિયો ક્લિપમાં સામે આવી છે.હેન્ડલર બંટી ખંડેલવાલ ખેલાડી નયન સાથે કાનપુરની ગ્રીન પાર્ક સ્ટેડિયમમાં મેચ દરમ્યાન પીચ પર એસિડ નખાવવા ઈચ્છતો હતો. કાનપુર પોલીસની હાજર ઓડિયોમાં આ વાતનો ખુલાસો થયો છે.
ઉપરાંત મેચ ફિક્સિંગ માટે આઈપીએલના બે ખેલાડીઓ તૈયાર થયા હતા તેવી વાતનો સ્વીકાર તેણે કર્યો હતો. મહત્વનું છે કે, આ કેસમાં યુપી એટીએસ તપાસ ચલાવી રહી છે. આ સંદર્ભે યુપી એટીએસે દિલ્હી, રાજસ્થાન, મહારાષ્ટ્ર સહિત ઘણાં સ્થળો પર દરોડા પાડ્યા. ઉપરાંત વધુ તપાસ માટે યુપી પોલીસે આઠ ટીમ બનાવી ગુજરાત, સુરત, મહારાષ્ટ્ર અને મુંબઈના શહેરોમાં દરોડા પાડ્યા હતા.
આગામી દિવસોમાં અન્ય ખેલાડીઓની પૂછપરછ થવાની સંભાવના વ્યક્ત કરાઈ છે. નયન શાહે કબૂલ કર્યુ છે કે, તેના સટ્ટાબાજો સાથે સંબંધો રહેલા છે અને તે મેચના પરિણામોને અસર થાય તે માટે પિચમાં સુધારા-વધારા કરાવતો હતો. નયનના આદેશ પર રમેશ પીચ પર પાણી નાખતો હોવાનો અગાઉ ખુલાસો થઈ ચૂક્યો છે.

Related posts

બેનક્રોફ્ટે વોર્નર પર લગાવ્યો ગંભીર આરોપ, કહ્યું- ‘મને બોલ સાથે ચેડાં કરવા ઉશ્કેર્યો હતો’

aapnugujarat

ઇંગ્લેન્ડ-ઓસ્ટ્રેલિયાની વચ્ચે આજથી બીજી ટેસ્ટ મેચ શરૂ

aapnugujarat

ICC टेस्ट रैंकिंग: कोहली को पीछे छोड़कर स्मिथ बने NO.1 बल्लेबाज

aapnugujarat

Leave a Comment

URL