Aapnu Gujarat
બિઝનેસ

દેશમાં સૌપ્રથમ નાગપુરમાં દોડશે ઈલેક્ટ્રિક ટેક્સી

દેશની સૌપ્રથમ ઈલેક્ટ્રિક ટેક્સીનો પ્રારંભ ૨૬મેથી નાગપુર ખાતેથી થઈ રહ્યો છે. એકતરફ ૨૦૩૦ સુધીમાં દેશમાં મોટાભાગની કાર ઈલેક્ટ્રિક કરવાની સંભાવના વ્યક્ત કરાઈ રહી છે ત્યારે આ પગલું સકારાત્મક વાતાવરણ ઉભું કરવા મહત્વનું બની રહેશે. અગાઉ ૨૪મેથી ઈલેક્ટ્રિક ટેક્સીનો પ્રારંભ થવાનો હતો પરંતુ નરેન્દ્ર મોદી સરકારના ત્રણ વર્ષ પૂર્ણ થઈ રહ્યા હોવાથી આ કાર્યક્રમને બે દિવસ પાછળ ઠેલવવામાં આવ્યો હતો. આ સાથે જ ઈલેક્ટ્રિક ટેક્સીનો પ્રારંભ કરનાર નાગરુપ દેશનું સૌપ્રથમ શહેર બનશે. નાગપુરમાં આ પ્રોજેક્ટની કામગીરીની સમીક્ષા કર્યા બાદ વધુ શહેરોમાં પણ ઈલેક્ટ્રિક ટેક્સી લાગુ કરવાની વિચારણા છે.
મહિન્દ્રા એન્ડ મહિન્દ્રા દ્વારા આ પ્રોજેક્ટ માટે ૨૦૦ ટેક્સી પુરી પાડવામાં આવી છે,તેમ માર્ગ અને પરિવહન મંત્રી નીતિન ગડકરીએ જણાવ્યું હતું. આ પ્રોજેક્ટ અલગ છે જે નાગપુર મ્યુનિસિપિલ કોર્પોરેશનની હેઠળ આવશે. આ પ્રોજેક્ટનો પ્રારંભ વહેલા કરવાની વિચારણા હતી જો કે ચાર્જિંગ સ્ટેશન સ્થાપવામાં વધુ સમય લાગ્યો હતો. અત્યાર સુધીમાં ૨૦૦ કારનું ટ્રાયલ ચાલુ છે. મહિન્દ્રાની ઈ-વેરિટો અને ઈ૨૦ પ્લસનો આ પ્રોજેક્ટમાં સમાવેશ કરાયો છે.કારમાં વપરાતા ઈંધણનો ખર્ચ તેમજ દેશમાં તેલના આયાત બિલને ઘટાડવાના ઉદ્દેશથી ભારત ૨૦૩૦ સુધીમાં માત્ર ઈલેક્ટ્રિક કાર રસ્તા પર દોડે તેવું ઈચ્છે છે. વીજ મંત્રી પીયુષ ગોયલે સીઆઈઆઈના વાર્ષિક સત્ર ૨૦૧૧૭ને સંબોધતા આ ઈચ્છા વ્યક્ત કરી હતી.અમે મોટાપાયે ઈલેક્ટ્રિક વાહનોની શ્રેણી રજૂ કરી રહ્યા છીએ. અમારા મતે ૨૦૩૦ સુધીમાં દેશમાં એકપણ પેટ્રોલ અથવા ડીઝલ સંચાલિત કારનું વેચાણ ના થવું જોઈએ,તેમ ગોયલે વધુમાં જણાવ્યું હતું. શરૂઆતના બે-ત્રણ વર્ષ સરકાર ઈલેક્ટ્રિક વ્હીકલ ઉદ્યોગમાં સ્થિરતા લાવવા મદદ કરી શકે છે. મારુતિનું ઉદાહરણ આપતા તેમણે જણાવ્યું હતું કે, સરકારે આ કંપનીને પ્રારંભમાં મદદ કરી જેથી દેશમાં મજબૂત ઓટો ઉદ્યોગનો પાયો નંખાયો હતો.

Related posts

भारत के समग्र विकास हेतु सालाना औसतन5000 यूनिट बिजली का उत्पादन आवश्यक

aapnugujarat

એચડીએફસી બેંકના સહયોગથી ડાકોરના શ્રી રણછોડ રાયજી મંદિર ટ્રસ્ટને ઓનલાઈન ડોનેશન સુવિધા

aapnugujarat

વર્ષ ૨૦૧૮માં સ્ટોક માર્કેટમાં ૧૨ ટકા સુધીની તેજી આવશે

aapnugujarat

Leave a Comment

URL